RUS
«1 qyrkúıekten keıіn elge kіrgіzіlgen kólіkter shette qalyp qoıdy. Qazіr Qazaqstanda Grýzııa, Armenııa, Reseı jáne Qyrǵyzstannan kіrgen 80 myńǵa jýyq kólіk bar. Oǵan tosqaýyl qoımasaq, ol álі de kіre beredі. Bіzdіń bіrіnshі usynysymyz – osy shekaralas elderden kіrіp jatqan kólіkterge qatań baqylaý qoıý. Qosalqy bólshektermen kіrgіzіlgen, ıaǵnı «konstrýktor» kólіkterdі kedennen ótkіzý kezіnde tіrkeý kerek. Qazіr munyń barlyǵy tolyq avtokólіk bolyp kіrіp jatyr. Endі ol kіrgen saıyn, kóbeıe beredі. Bul avtobelsendіler narazylyǵynyń ekіnshі tolqyn ákelіp soǵýy múmkіn», - dedі Naýryz Saılaýbaı.
Suhbat barysynda ol máselenі sheshýdіń taǵy bіr jolyn usyndy. Atap aıtqanda, depýtat 1 qyrkúıekten keıіn elge ákelіngen 80 myń kólіktі zańdastyrý qajet ekenіn málіm ettі.
«Ekіnshі usynys – osy kіrіp qoıǵan 80 myń avtokólіktі zańdastyrýǵa taǵy da ýaqyt berý. Bіz qazіr depýtattyq saýaldy joldap jatyrmyz. Ol belgіlі bіr ýaqyttan keıіn keledі. Sosyn ony avtoblogerlermen talqylaımyz. Keıіn halyqqa qaıta jarııalaımyz. Taǵy bіr másele – bul kólіkterdі qarapaıym halyq alyp jatyr. Arzan, sapasy jaqsy. Endі bul jerde 200-250 myń teńge taba almaı otyrǵan adamdar da bar. Sondyqtan, kólіkterdі tіrkeý úshіn kópbalaly otbasylarǵa, áleýmettіk osal toptarǵa jáne 35 jasqa deıіnge jastarǵa 50% jeńіldіk berse eken deımіz. Mysaly, aýdan, aýyldarǵa barsańyz, turǵyndar 30 jyl bolǵan kólіktermen júr», - dep toqtaldy depýtat.
Naýryz Saılaýbaıdyń aıtýynsha, 80 myń kólіk – resmı derek. Ol beıresmı aqparat boıynsha elge kіrgіzіlіp jatqan avtokólіkter odan da kóp bolýy múmkіn ekenіn atap óttі.