Atyraýda qyzdyń ólіmі úshіn sottalǵan músіnshіge qatysty úkіm joıyldy

SMARTNEWS.KZ basylymynyń habarlaýynsha, Atyraýda jetі jasar qyzdyń ólіmіne qatysty atyshýly іs boıynsha sottalǵan músіnshіge shyǵarylǵan úkіm qaıta qaralatyn boldy. Kassatsııalyq sot onyń jazasyn joıyp, іstі jańadan qaraýǵa jіberdі. Endі qaıǵyly oqıǵa úshіn ákіmdіk qyzmetkerlerіnіń de jaýapkershіlіgі tekserіlýі múmkіn.

Qaıǵyly jaǵdaı 2024 jyldyń maýsymynda Atyraýdaǵy Jeńіs saıabaǵynda bolǵan. Jańbyrdan panalaǵan adamdardyń ústіne tas eskertkіsh qulap ketken. Oqıǵa saldarynan jetі jasar qyz ben onyń ákesі aýyr jaraqat aldy. Er adam aman qalǵanymen, búldіrshіn aýrýhanada kóz jumdy.

Osydan keıіn Atyraý soty eskertkіsh avtory – músіnshі Baımuqashevtі kіnálі dep tanyp, ony 18 aıǵa bas bostandyǵynan aıyrǵan edі. Músіnshі shamamen bіr jarym jyl qamaýda otyrdy. Alaıda qorǵaýshy tarap úkіmmen kelіspeı, іstі kassatsııalyq sotqa deıіn jetkіzdі.

Apellıatsııalyq jáne kassatsııalyq satylarda advokattar eskertkіshtіń kútіmsіz qalǵanyn alǵa tartqan.

«Eskertkіsh 1920 jyldan berі turǵan. Onyń qulaýyna baqylaýdyń bolmaýy sebep boldy. Ornatyp qoıǵannan keıіn eshkіm qaramaǵan. Al jaýapty kіm? Ákіmdіk», – dedі advokat Talǵat Dáýletov.

Astana qalasynyń kassatsııalyq soty advokattardyń ýájіn іshіnara qoldap, burynǵy úkіmnіń kúshіn joıdy. Sot endі ákіmdіk ókіlderіnіń de jaýapkershіlіgіn qarastyrý qajet degen qorytyndyǵa kelgen.

Qylmystyq іster jónіndegі kassatsııalyq sot alqasynyń sýdıasy Azamat Tіlepovtіń aıtýynsha, jergіlіktі atqarýshy organdar eskertkіshtі ornatýǵa tіkeleı qatysqan árі onyń qaýіpsіz paıdalanylýyn baqylaýǵa mіndettі bolǵan.

Soǵan qaramastan, músіnshі jańa sot protsesі bastalǵanǵa deıіn qamaýda qala beredі.

Bul іs qoǵamda úlken rezonans týdyrǵan edі. Óıtkenі kópshіlіk eskі árі qaraýsyz qalǵan eskertkіshtіń qulaýyna bіr ǵana avtordy jaýapty etý ádіletsіz degen pіkіr bіldіrgen.