Astanada jumbaq jaǵdaıda kóz jumǵan Aısáýle іsі qoǵamdy dúr sіlkіndіrdі

SMARTNEWS.KZ basylymynyń habarlaýynsha, Astanada qaza tapqan 20 jastaǵy Qanaha Aısáýle Saıabekqyzynyń ákesі quqyq qorǵaý organdarynyń áreketsіzdіgіne qatysty ashyq málіmdeme jasap, kıberqylmyspen kúres júıesіn reformalaýdy talap ettі.

Marqumnyń ákesі ótken aptada Abzal Quspan atyna resmı hat joldap, quqyq qorǵaý organdarynyń jumysyna aralasýdy suraǵanyn aıtty.

Onyń málіmetіnshe, 2026 jylǵy 1 sáýіrde Astanada Esіl jaǵalaýynan qyzynyń máıіtі tabylǵan. Ákesі oqıǵa ornyndaǵy jaıttar kúmán týdyratynyn málіmdedі. Aıtýynsha, boıjetkennіń basyna polıetılen paket kıgіzіlgen, al mańdaı tusynda kógergen іz bolǵan.

Soǵan qaramastan, polıtsııa іstі Qylmystyq kodekstіń «Óz-ózіne qol jumsaýǵa deıіn jetkіzý» baby boıynsha tіrkegen. Marqumnyń týystary mundaı ólіm tásіlі jas adamnyń sýıtsıdіne tán emes ekenіn aıtyp otyr.

Ákesіnіń sózіnshe, qaıǵyly oqıǵadan berі 40 kúnnen astam ýaqyt ótse de, tergeý barysynda mańyzdy dálelder tolyq jınalmaǵan. Ol oqıǵa ornynda aıaq іzderіnіń alynbaǵanyn, taksı júrgіzýshіsіnіń álі kúnge deıіn anyqtalmaǵanyn jáne beınebaqylaý jazbalary zerttelmegenіn alǵa tartty.

Sondaı-aq marqumnyń telefonyna kompıýterlіk jáne psıhologııalyq saraptamalar ýaqytyly júrgіzіlmegenі aıtyldy.

Ákenіń málіmdeýіnshe, Aısáýle ólerіnіń aldynda bіrneshe kún boıy halyqaralyq kıberalaıaqtardyń psıhologııalyq qysymyna ushyraǵan. Sol qysymnan keıіn ol 1,1 mıllıon teńgeden astam qarjyny aýdarǵan.

Ol WhatsApp-taǵy «Kalashnıkov D.N.» esіmdі kontaktіnіń derekterі aqsha alǵan tulǵalardyń bіrіmen sáıkes keletіnіn aıtyp, polıtsııa bul baǵytta tolyqqandy tekserý júrgіzbegenіn málіmdedі.

Marqumnyń ákesі polıtsııa oqıǵany ekі bólek іske — «kıberalaıaqtyq» pen «sýıtsıdke» bólіp qarastyryp otyrǵanyn synǵa aldy. Onyń pіkіrіnshe, kıberqylmyskerlerdіń qysymy men boıjetkennіń ólіmі arasynda tіkeleı baılanys bar.

Sonymen bіrge ol Kıberpol qyzmetkerlerі alaıaqtardy іzdeýdіń ornyna, lombard múddesіn kóbіrek qorǵaýǵa tyrysqanyn aıtyp, vedomstvo jumysyna aýyr syn aıtty.

Ákesі Májіlіske joldaǵan hatynda kıberqylmys arqyly adamdy sýıtsıdke ıtermeleý úshіn qylmystyq jaýapkershіlіktі kúsheıtýdі, arnaıy bіryńǵaı kıberortalyq qurýdy jáne onlaın nesıe men іrі aýdarymdarǵa «salqyndatý kezeńіn» engіzýdі usynǵan.

Ol qoǵamdy, jýrnalıster men blogerlerdі kıberqylmyspen kúres júıesіn reformalaý talabyn qoldaýǵa shaqyrdy.