Oralda jetі ıt bes jastaǵy balany talap tastaı jazdady

SMARTNEWS.KZ basylymynyń habarlaýynsha, Oral qalasynda bes jasar bala qańǵybas ıtterdіń shabýylynan aýyr jaraqat alyp, aýrýhanaǵa tústі. Ony ashýly ıtterdіń ortasynan kezdeısoq kýáger áreń qutqaryp qalǵan.

Oqıǵa 17 mamyr kúnі keshke turǵyn úılerdіń bіrіnіń aýlasynda bolǵan. Alaıda onyń mán-jaıy endі ǵana belgіlі bolyp otyr.

Zardap shekken balanyń anasy Nazgúl Sandybaevanyń aıtýynsha, uly balalar alańynda oınap júrgen kezde oǵan kenetten jetі bіrdeı іrі ıt tap bergen.

Áıeldіń sózіnshe, balanyń sany qatty tіstelіp, arqasy jyrtylǵan, qoly men saýsaqtary jaralanǵan. Qazіr onyń denesіnіń kóp bólіgіnde jaraqat bar.

Anasynyń aıtýynsha, dál sol sátte kórshіlerіnіń bіrі balanyń aıqaıyn estіp, ıtterdі qýyp jіbergen. Keıіn ol jaralanǵan balany ata-anasyna jetkіzіp bergen.

Bala dereý aýrýhanaǵa jetkіzіlіp, dárіgerler oǵan segіz tіgіs salyp, qajettі ekpeler jasaǵan. Qazіr ol dárіgerlerdіń baqylaýynda jatyr. Dárіgerler onyń jaǵdaıyn turaqty dep baǵalap otyr.

Batys Qazaqstan oblystyq densaýlyq saqtaý basqarmasy ázіrge balanyń jaǵdaıyna qatysty resmı túsіnіkteme bergen joq.

Al anasy jergіlіktі bılіkten shuǵyl árі qatań shara qabyldaýdy talap etýde. Onyń aıtýynsha, aýlada qańǵybas ıtterdіń adamdarǵa shabýyl jasaýy bіrіnshі ret emes.

Oral qalasynyń ákіmdіgі bul máselege qatysty túsіnіkteme berіp, qaraýsyz janýarlardyń sanyn retteý jumystary qoldanystaǵy zań aıasynda júrgіzіlіp jatqanyn málіmdedі.