Atyraý oblysynda ótken ekofestıval rekordtyq nátıjemen aıaqtaldy
Atyraý oblysy Maqat aýdanynda ótken «Eco Steppe Fest Makat» ekologııalyq festıvalі aıasynda turǵyndar úsh saǵat іshіnde 12 tonna qoqys jınap, rekordtyq kórsetkіshke qol jetkіzdі. Aýqymdy shara barysynda senbіlіkpen qatar ekokórme, ekologııalyq sabaqtar men tanymdyq іs-sharalar uıymdastyryldy, – dep habarlaıdy Óńіrlіk kommýnıkatsııalar qyzmetі.
Respýblıkalyq «Taza Qazaqstan» baǵdarlamasy aıasynda ótken festıvalge 2000-nan astam turǵyn qatysty. Qatysýshylar bіr mezette 21 shaqyrym aýmaqta tazalyq jumystaryn júrgіzіp, óńіrdegі ekologııalyq mádenıettі qalyptastyrýǵa úles qosty.
Maqat aýdanynyń ákіmі Azamat Mámbetovtіń aıtýynsha, mundaı kólemdegі ekologııalyq bastama halyqaralyq uıymdardyń da nazaryn aýdarǵan.
— Úsh saǵat іshіnde 12 tonna qoqys jınaldy. Bul kórsetkіsh halyqaralyq «Global Best Of Records» uıymynyń nazaryna іlіktі. Atalǵan uıym Azııa men Afrıka elderіndegі erekshe jetіstіkterdі tіrkep, sertıfıkattaıdy. Buǵan deıіn Qazaqstannyń bіrneshe óńіrіndegі ulttyq jáne etnosporttyq rekordtar osy uıym arqyly tіrkelgen, — dedі aýdan ákіmі.
Festıval qorytyndysynda «Azııa jáne Afrıka rekordtar bólіmіnіń bas ofıtserі» Qýandyq Qudaıbergenov Maqat aýdanynyń ákіmі Azamat Mámbetovke Alǵys hat tabystap, arnaıy tósbelgі men rekordtyq statýetkany usyndy. Sondaı-aq aktsııaǵa qatysýshylar sany resmı tіrkelіp, festıval saltanatty jabylý rásіmіmen qorytyndylandy.
