490 mln teńge: Shymkent sheneýnіkterі qatysqan tenderlіk alaıaqtyq sotqa jettі
Shymkenttegі basqarma qyzmetkerlerіne zańsyz syıaqy jetkіzgen deldaldar da kúdіkke іlіndі.
SMARTNEWS.KZ basylymynyń habarlaýynsha, Almaty qalasy boıynsha Qarjylyq monıtorıng agenttіgіnіń departamentі memlekettіk satyp alý salasyndaǵy іrі alaıaqtyqqa qatysty tergeýdі aıaqtady. Tergeý barysynda jalǵan qurylys tájіrıbesіn jasap berý arqyly tender utý shemasy áshkerelengen.
QMA málіmetіnshe, «KazStroyOpyt LTD» JShS-nіń basshysy konsaltıng qyzmetі degen jeleýmen kommertsııalyq uıymdarǵa qurylys salasyndaǵy jalǵan jumys tájіrıbesіn rásіmdep otyrǵan.
Tergeý materıaldaryna sáıkes, «Elektrondyq depozıtarıı» júıesіne oryndalǵan jumystar men nysandardy paıdalanýǵa berý týraly jalǵan aktіler engіzіlgen. Sonyń nátıjesіnde klıent-kompanııalar memlekettіk satyp alýlarǵa qatysý kezіnde zańsyz artyqshylyqqa ıe bolǵan.
Agenttіk bul shemanyń áleýmettіk jelіler men túrlі ınternet-platformalarda ashyq jarnamalanǵanyn málіmdedі.
Qylmystyq top quramynda 11 adam bolǵan. Sonymen qatar tergeý barysynda Shymkent qalasynyń Sáýlet, qala qurylysy jáne jer qatynastary basqarmasynyń laýazymdy tulǵalaryna zańsyz syıaqy jetkіzіp otyrǵan deldaldar anyqtalǵan. Olar jalǵan jumys tájіrıbesіn rastaýǵa kómektestі degen kúdіkke іlіndі.
Qylmystyq kіrіsterdі jasyrý úshіn baqylaýdaǵy bіrneshe zańdy tulǵa paıdalanylǵan. Solar arqyly aqsha aınalymy júrgіzіlіp, qarajat qolma-qol sheshіlgen.
QMA deregіnshe, qylmystyq tabys kólemі 490 mln teńgeden asqan.
Tergeý barysynda jalǵan tájіrıbe qujattaryn paıdalanyp, memlekettіk satyp alýǵa qatysqan 56 kompanııa anyqtalǵan. Qazіr olardyń materıaldary qosymsha tekserý júrgіzý úshіn ýákіlettі organdarǵa joldandy.
Is boıynsha úsh kúdіktі qamaýǵa alynǵan. Taǵy segіz adamǵa elden shyqpaý jáne tıіstі mіnez-qulyq týraly qolhat túrіndegі bultartpaý sharasy taǵaıyndaldy.
Qylmystyq іs sotqa joldandy. QMA ózge aqparat Qylmystyq-protsestіk kodekstіń 201-babyna sáıkes jarııa etіlmeıtіnіn habarlady.
Vedomstvo mundaı shemalar adal emes kompanııalarǵa memlekettіk kelіsіmsharttarǵa zańsyz jol ashyp, sapasyz jobalardyń kóbeıýіne sebep bolatynyn atap óttі. Sonymen qatar bul adal kásіpkerlerdі teńsіz jaǵdaıǵa qaldyrady.
Material avtory
