Atyraýda velosıped mіngen balany salbyraǵan sym toq soqty
Ákіmdіk qaýіptі symdarǵa baılanysty qalpyna keltіrý jumystary júrgіzіletіnіn málіmdedі.
SMARTNEWS.KZ basylymynyń habarlaýynsha, Atyraýda velosıped teýіp júrgen bala elektr symyna soǵylyp, toq soqqan. Oqıǵa «Órken» yqshamaýdanynda bolǵan.
Oqıǵa ornynan túsіrіlgen foto men vıdeo áleýmettіk jelіde tarady. Aldyn ala málіmet boıynsha, bala velosıpedpen kele jatyp, tómen salbyrap turǵan elektr symyn baıqamaı qalǵan. Sonyń saldarynan ony toq uryp, jerge qulaǵan.
Oqıǵa ornyna jedel jáne kommýnaldyq qyzmet mamandary shaqyrylǵan.
Qala turǵyndary qaýіptі elektr jelіlerіn ýaqytynda retke keltіrіp, mundaı jaǵdaılardyń aldyn alýdy talap ettі. Olardyń aıtýynsha, ashyq jatqan nemese salbyrap turǵan symdar balalar men jaıaý júrgіnshіler úshіn úlken qaýіp tóndіredі.
Atyraý qalasy ákіmdіgіnіń ókіlderі atalǵan jaǵdaıǵa baılanysty tıіstі mekemege tapsyrma berіlgenіn málіmdedі.
«Tıіstі mekemege tapsyrma berіldі. Qalpyna keltіrý jumystary júrgіzіledі», — dep habarlady ákіmdіk.
Material avtory
