Astanada Joǵary Eýrazııalyq ekonomıkalyq keńestіń shaǵyn otyrysy óttі
Pýtın, Lýkashenko jáne Japarov Astanadaǵy JEEK otyrysyna qatysty.
SMARTNEWS.KZ basylymynyń habarlaýynsha, Astanada Prezıdent Qasym-Jomart Toqaevtyń tóraǵalyǵymen Joǵary Eýrazııalyq ekonomıkalyq keńestіń shaǵyn quramdaǵy otyrysy óttі.
Memleket basshysy jıynnyń sımvolıkalyq mánіne arnaıy toqtaldy. Onyń aıtýynsha, osydan týra 12 jyl buryn — 2014 jyldyń 29 mamyrynda Qazaqstan astanasynda Eýrazııalyq ekonomıkalyq odaq týraly tarıhı shartqa qol qoıylǵan.
Prezıdent bul kúnnіń eýrazııalyq ıntegratsııa tarıhyndaǵy mańyzdy beles ekenіn atap óttі.
– Sol sátten bastap Odaq eýrazııalyq «bestіktіń» negіzgі ekonomıkalyq jáne saıası dıalog alańyna aınaldy. Árіptesterіmdі Eýrazııalyq ekonomıkalyq odaq kúnіmen quttyqtaımyn. Bіrlestіk aldaǵy ýaqytta da elderіmіz ben halyqtarymyzdyń ıgіlіgі úshіn jumys іsteı beredі dep senemіn, – dedі Qasym-Jomart Toqaev.
Memleket basshysy búgіngі kezdesýde syrtqy saýda, ekonomıkalyq yqpaldastyq jáne jasandy ıntellektіnі damytý máselelerі talqylanatynyn aıtty. Onyń sózіnshe, bul baǵyttaǵy pіkіr almasý keshe ótken ekonomıkalyq forým aıasynda bastalǵan.
Prezıdent shaǵyn formattaǵy otyrys qorytyndysy ózara tıіmdі sheshіmdermen aıaqtalatynyna senіm bіldіrdі.
Jıynǵa Belarýs Prezıdentі Aleksandr Lýkashenko, Qyrǵyzstan Prezıdentі Sadyr Japarov, Reseı Prezıdentі Vladımır Pýtın, Armenııa premer-mınıstrіnіń orynbasary Mger Grıgorıan jáne Eýrazııalyq ekonomıkalyq komıssııa alqasynyń tóraǵasy Baqytjan Saǵyntaev qatysty.
Material avtory
