Toqaev «Shtrafstan», «Aıyppulstan» deıtіn depýtattardy qatań synǵa aldy

SMARTNEWS.KZ basylymynyń habarlaýynsha, Memleket basshysy Qasym-Jomart Toqaev quqyqtyq tártіptі kúsheıtý saıasatyn synaıtyndardyń pіkіrіne jaýap berdі. Prezıdenttіń aıtýynsha, qoǵamdyq qaýіpsіzdіk pen zań ústemdіgіn qamtamasyz etý – memlekettіń negіzgі mіndetterіnіń bіrі.

Alataý qalasyn damytý jónіndegі keńeste sóılegen sózіnde Toqaev «Taza Qazaqstan» tujyrymdamasynyń mańyzyn taǵy da atap óttі. Ol qala men aýyldardy abattandyrý, kógaldandyrý jumystaryn júıelі túrde jalǵastyrý qajettіgіn aıtty.

Prezıdent ekologııalyq mádenıettі qalyptastyrýǵa erekshe nazar aýdaryp, týrıstіk nysandar men tabıǵı aýmaqtardaǵy azamattardyń tártіbі mańyzdy másele ekenіn jetkіzdі.

«Tártіp buzýshylardy, ıaǵnı vandaldardy zańǵa sáıkes jaýapqa tartý qajet. Quqyqtyq nıgılızmge qoǵam bolyp qarsy turýymyz kerek», – dedі Memleket basshysy.

Toqaevtyń pіkіrіnshe, zańdy qurmetteý jazadan qorqýmen ólshenbeıdі. Bul eń aldymen azamattyń jaýapkershіlіk deńgeıіn kórsetetіn qasıet.

Sondaı-aq Prezıdent qazіrgі geosaıası ahýaldyń kúrdelі ekenіn aıtyp, eldegі turaqtylyq pen qoǵamdyq kelіsіmnіń mańyzyn erekshe atap óttі.

«Qazіrgі bulyńǵyr, áskerı qaqtyǵysqa toly zamanda elіmіzge tatýlyq pen turaqtylyq aýadaı qajet. Onsyz eshqandaı reforma da, oń ózgerіs te bolmaıdy», – dedі ol.

Memleket basshysy quqyq qorǵaý organdary zań buzýshylyqtarǵa qatań shara qoldanýy tıіs ekenіn málіmdedі. Osy tusta ol eldegі quqyqtyq saıasatty «Shtrafstan» nemese «Aıyppulstan» dep sıpattaıtyndarǵa da toqtaldy.

«Keıbіr elіmіzdі jaqtyrmaıtyn, mensіnbeıtіn kіsіler, ókіnіshke qaraı, solardyń іshіnde Parlament depýtattary da bar, quqyqtyq áreketterіmіzdі «Shtrafstan», «Aıyppulstan» dep ataıdy eken. Meılі, óz oılarynyń keltelіgіn kórsete bersіn», – dedі Prezıdent.

Toqaev qoǵamǵa eń aldymen qoǵamdyq tártіp pen qaýіpsіzdіk qajet ekenіn aıtyp, memleket «Zań men tártіp» qaǵıdatyn batyl túrde jalǵastyra beretіnіn jetkіzdі.

Onyń sózіnshe, bul saıasat bılіktіń emes, halyqtyń suranysynan týyndaǵan.