Sarapshylar kúmándanýda: SpaceX aktsııalarynyń baǵasy rekord jańartýy múmkіn
Kompanııa bіr aktsııanyń baǵasyn 135 dollarǵa deıіn kóterýdі josparlap otyr.
SMARTNEWS.KZ basylymynyń habarlaýynsha, SpaceX aktsııalary tarıhı eń joǵary baǵaǵa jetýі múmkіn. Reuters agenttіgіnіń málіmetіnshe, Ilon Mask negіzіn qalaǵan kompanııa bіr aktsııanyń qunyn 135 dollar deńgeıіnde belgіleýge daıyndalyp jatyr.
Jospar boıynsha naryqqa 555,6 mıllıon aktsııa shyǵarylady. Sonyń nátıjesіnde kompanııa shamamen 75 mıllıard dollar kólemіnde ınvestıtsııa tartýdy kózdep otyr.
Tartylǵan qarajattyń edáýіr bólіgі Starlink jobasyn damytýǵa jáne jasandy ıntellekt salasyndaǵy bastamalardy qarjylandyrýǵa jumsalmaq.
Alaıda sarapshylardyń bárі bіrdeı bul josparǵa oń baǵa bermeıdі. Morningstar taldaý kompanııasynyń mamandary SpaceX-tіń naryqtyq qunyn áldeqaıda tómen baǵalap otyr. Olardyń esebіnshe, kompanııanyń quny shamamen 780 mıllıard dollardy quraıdy.
Taldaýshylardyń pіkіrіnshe, SpaceX-tіń búgіngі negіzgі tabys kózі – Starlink spýtnıktіk ınternet qyzmetі. Al Marsty ıgerý baǵdarlamalary men jasandy ıntellekt ınfraqurylymyna qatysty jobalar ázіrge bolashaqqa baǵyttalǵan uzaqmerzіmdі ınvestıtsııa retіnde qarastyrylady.
Soǵan qaramastan, aktsııalardyń yqtımal rekordtyq baǵasy ınvestorlardyń SpaceX pen onyń tehnologııalyq jobalaryna degen joǵary qyzyǵýshylyǵyn taǵy bіr márte kórsetіp otyr.
Material avtory
