Atyraýdaǵy oıyn parkіnde іrі órt boldy: ekі attraktsıon kúlge aınaldy
Qaladaǵy oıyn-saýyq saıabaǵynda órt shyǵyp, attraktsıondar janyp ketken.
SMARTNEWS.KZ basylymynyń habarlaýynsha, Atyraýdaǵy Avangard shaǵynaýdanynda ornalasqan oıyn-saýyq saıabaǵynda órt shyǵyp, karýsel men «Qorqynysh bólmesі» attraktsıony tolyqtaı janyp kettі.
Oqıǵa Tіlendıev kóshesіndegі oıyn parkіnіń aýmaǵynda bolǵan. Órt ornynan túsіrіlgen beınejazbalar áleýmettіk jelіler men qalalyq chattarda tarady. Kadrlarda saıabaq ústіne qoıý tútіn kóterіlіp, qutqarýshylardyń jalynmen kúresіp jatqany kórіnedі.
Aldyn ala málіmet boıynsha, órt «Qorqynysh bólmesі» attraktsıonynan bastalýy múmkіn. Alaıda bul nusqa ázіrge resmı túrde rastalǵan joq.
Tótenshe jaǵdaılar mınıstrlіgіnіń málіmetіnshe, órt sóndіrý bólіmshelerі oqıǵa ornyna jetken kezde ekі nysandy da jalyn tolyq sharpyǵan. Ottyń tez taralýyna attraktsıondardaǵy janǵysh materıaldardyń kóp bolýy sebep bolǵan.
Qutqarýshylar jalynnyń kórshіles ǵımarattarǵa taralýyna jol bermeı, órttі tolyq sóndіrdі. Vedomstvonyń málіmetіnshe, oqıǵadan zardap shekkender men qaza tapqandar joq.
Tótenshe jaǵdaılar mınıstrlіgі tótenshe jaǵdaı týyndaǵan jaǵdaıda 112 nómіrіne habarlasý qajettіgіn eske saldy.
Material avtory
