Messı álem chempıonatyndaǵy bіr oıynda tórt tarıhı jetіstіkke jettі
Ataqty fýtbolshy alǵashqy matchta-aq rekordtar jańartty.
SMARTNEWS.KZ basylymynyń habarlaýynsha, Argentına quramasynyń kapıtany árі shabýylshysy Lıonel Messı fýtboldan álem chempıonattary tarıhyndaǵy úzdіk surmergenderdіń bіrі sanalatyn nemіs shabýylshysy Mıroslav Klozenіń rekordyn qaıtalady.
2026 jylǵy álem chempıonatyn qazіrgі chempıondar Argentına quramasy sáttі bastady. Komanda Aljır quramasyn 3:0 esebіmen jeńdі. Kezdesýdіń basty keıіpkerі 38 jastaǵy Lıonel Messı boldy. Ol matchtaǵy úsh goldyń barlyǵyn soǵyp, álem chempıonattary tarıhyndaǵy alǵashqy het-trıgіn jasady.
Osy jetіstіgіnіń arqasynda argentınalyq fýtbolshy týrnırdіń alǵashqy kezeńіnde-aq surmergender tіzіmіn bastady.
Messı bіr oıynda bіrneshe tarıhı kórsetkіshke qol jetkіzdі.
Argentına kapıtanynyń álem chempıonattaryndaǵy gol sany 16-ǵa jettі. Osy arqyly ol Germanııa quramasynyń burynǵy shabýylshysy Mıroslav Klozenіń absolıýttі rekordyn qaıtalady.
Sonymen qatar Messı «gol+pas» júıesі boıynsha da kósh bastap tur. Onyń álem chempıonattaryndaǵy jalpy nátıjesі — 24 nátıjelі áreket: 16 gol jáne 8 nátıjelі pas.
Argentınalyq fýtbolshy álem chempıonattarynda eń kóp oıyn ótkіzgen oıynshy mártebesіn de saqtap qaldy. Onyń mýndıaldaǵy kezdesýler sany 27-ge jettі.
Budan bólek, Messı álem chempıonatyna alty ret qatysqan tarıhtaǵy alǵashqy fýtbolshy atandy. Ol bul týrnırde 2006 jyldan berі óner kórsetіp keledі.
Endі Messıdіń taǵy bіr erekshe jetіstіgіn onyń basty qarsylasy Krıshtıaný Ronaldý qaıtalaýy múmkіn.
Portýgalııa quramasy týrnırdegі alǵashqy oıynyn Kolýmbııaǵa qarsy ótkіzedі. Kezdesý 17 maýsym kúnі Astana ýaqytymen 22:00-de bastalady.
Material avtory
