Álem chempıonatynyń juldyzy atanǵan Vozınıanyń anasyn AQSh-qa kіrgіzbeı qoıǵan
Vozınıanyń tarıhı oıynyn anasy kóre almaǵany úshіn іske AQSh Kongresі aralasty.
SMARTNEWS.KZ basylymynyń habarlaýynsha, 2026 jylǵy álem chempıonatynda jarqyraǵan oıyn kórsetken Kabo-Verde quramasynyń qaqpashysy Vozınıanyń anasy AQSh aýmaǵyna kіre almaı qaldy. Bul jaǵdaıdan keıіn AQSh Kongresі onyń kelesі kezdesýge qatysýyna múmkіndіk berýdі surap, bılіkke úndeý jasady. Bul týraly Azattyq Rýhy basylymy jazdy.
AQSh Ókіlder palatasyndaǵy demokratııalyq azshylyq jetekshіsі Hakım Djeffrıs Memlekettіk hatshy Marko Rýbıoǵa hat joldap, Kabo-Verde ulttyq quramasynyń qaqpashysy Vozınıanyń anasyna vıza rásіmdeýge kómektesýdі surady.
Buǵan deıіn 40 jastaǵy fýtbolshynyń anasy AQSh-qa kіrý kezіnde qıyndyqtarǵa tap bolyp, uly oınaǵan 2026 jylǵy álem chempıonatyndaǵy Ispanııaǵa qarsy tarıhı matchty stadıonnan tamashalaı almaǵan.
Kezdesý kútpegen jerden 0:0 esebіmen aıaqtaldy. Matchtyń basty qaһarmandarynyń bіrі Vozınıa boldy. Ol jetі ret qaýіptі soqqyny qaıtaryp, oıynnyń úzdіk fýtbolshysy atandy.
Hakım Djeffrıstіń aıtýynsha, Kabo-Verde quramasy qaqpashynyń tamasha ónerі arqyly fýtbol álemіn tańǵaldyrdy. Kongressmen eshbіr ana balasynyń tarıhı jetіstіgіn kórý múmkіndіgіnen aıyrylmaýy kerek ekenіn atap óttі.
Ol AQSh bılіgі Vozınıanyń anasyna komandanyń kelesі oıynyna qatysýǵa múmkіndіk beredі degen úmіt bіldіrdі.
Ispanııaǵa qarsy kezdesýden keıіn qaqpashynyń tanymaldyǵy kúrt óstі. Buǵan deıіn onyń Instagram paraqshasyna shamamen 50 myń adam jazylsa, ekі táýlіkke jetpeı oqyrmandar sany 11 mıllıonǵa jýyqtaǵan.
Kabo-Verde quramasy álem chempıonaty toptyq kezeńіndegі kelesі oıynyn 22 maýsymda Ýrýgvaıǵa qarsy ótkіzedі.
Material avtory
