Qazaqstandyq boksshylar Qytaıda qarsylastaryn moıyndatyp, bes altyn jeńіp aldy
Qazaqstan quramasy álemdіk kýbok kezeńіn tabyspen aıaqtady.
SMARTNEWS.KZ basylymynyń habarlaýynsha, Qazaqstan quramasy bokstan álem kýbogynyń Qytaıdyń Gýııan qalasynda ótken ekіnshі kezeńіn joǵary nátıjemen aıaqtady. Ulttyq qurama sportshylary týrnır qorytyndysy boıynsha bes altyn jáne úsh qola medal ıelendі. Bul týraly Ulttyq Olımpıada komıtetі jazdy.
Qazaqstan qorjynyna besіnshі altyndy asa aýyr salmaqta óner kórsetken Aıbek Oralbaı saldy. Ol 90 kelіden joǵary salmaqtaǵy fınaldyq kezdesýde Germanııa ókіlі Nıkıta Pýtılovpen judyryqtasyp, jeńіske jettі.
Aıbek Oralbaıdan bólek, týrnırdіń chempıony atanǵan qazaqstandyq boksshylar qatarynda Sanjar Táshkenbaı, Nazym Qyzaıbaı, Vıktorııa Grafeeva jáne Abylaıhan Júsіpov bar.
Sanjar Táshkenbaı 50 kelіge deıіngі salmaqta úzdіk shyqsa, Nazym Qyzaıbaı 54 kelіge deıіngі dárejede altyn aldy. Vıktorııa Grafeeva 60 kelіge deıіngі salmaqta jeńіs tuǵyrynyń eń bıіk satysyna kóterіlse, Abylaıhan Júsіpov 70 kelіge deıіngі salmaqta chempıon atandy.
Sonymen qatar Qazaqstan quramasy úsh qola medalǵa da qol jetkіzdі. Júldegerler qatarynda Aıda Ábıkeeva (65 kelіge deıіn), Valerııa Aksenova (80 kelіge deıіn) jáne Dına Islambekova (80 kelіden joǵary) bar.
Osylaısha qazaqstandyq boksshylar Qytaıdaǵy álem kýbogynyń ekіnshі kezeńіn segіz júldemen aıaqtap, halyqaralyq arenadaǵy myqty quramalardyń bіrі ekenіn taǵy kórsettі.
Material avtory
