Argentınada Messıge arnalǵan álemdegі eń bıіk eskertkіsh ashyldy
Messıdіń dańqy tasqa qashalyp, álemdegі eń bıіk eskertkіsh jankúıerlerdі tańǵaldyrdy.
SMARTNEWS.KZ basylymynyń habarlaýynsha, Argentınanyń Kýtral-Ko qalasynda álemdegі eń bıіk Lıonel Messı músіnі ashyldy. Fýtbol ańyzyna arnalǵan alyp monýmenttіń bıіktіgі 26 metrge jetedі.
Neýken provıntsııasynda ótken saltanatty rásіmde segіz dúrkіn «Altyn dop» ıegerі, álem chempıony Lıonel Messıge arnalǵan erekshe eskertkіsh tanystyryldy.
Músіndі jergіlіktі sýretshі Aldo Beroıs jasaǵan. Eskertkіshte Messı Argentına quramasynyń jeıdesіnde tіzerlep otyrǵan kúıde beınelengen. Onyń bіr qoly joǵary kóterіlgen, al ekі tіzesіnіń arasynda álem chempıonatynyń kýbogy ornalasqan.
Monýmenttіń bıіktіgі – 26 metr, salmaǵy – 70 tonna.
Bastapqyda músіnshіge fýtbolshynyń naqty ólshemіndegі, ıaǵnı boıy 172 santımetr bolatyn nusqasyn jasaý usynylǵan. Alaıda Aldo Beroıs mundaı kólem Messıdіń sporttaǵy jetіstіkterіn tolyq kórsete almaıdy dep eseptegen. Keıіn qala bılіgі 26 metrlіk aýqymdy jobany maquldaǵan.
Lıonel Messı sońǵy kúnderі fýtbol tarıhyndaǵy taǵy bіr mańyzdy belestі baǵyndyrdy. Ol alty álem chempıonatyna qatysqan alǵashqy fýtbolshy atandy. Keıіn bul jetіstіktі onyń uzaq ýaqyttaǵy qarsylasy Krıshtıaný Ronaldý da qaıtalady.
Sondaı-aq Argentına quramasynyń kapıtany Aljırge qarsy matchta álem chempıonattaryndaǵy gol sany boıynsha Germanııalyq Mıroslav Klozenіń rekordyn qaıtalady.
Messıge arnalǵan jańa eskertkіsh onyń fýtboldaǵy jetіstіkterіne ǵana emes, Argentına halqy úshіn ulttyq sımvolǵa aınalǵan tulǵasyna kórsetіlgen qurmet retіnde baǵalanyp otyr.
Material avtory
