RUS
Sot K., A., K., V., T.,-nyń 2022 jylǵy 4-5 qańtar aralyǵynda jappaı tártіpsіzdіkterge qatysyp, ǵımarattar men qurylystarǵa shabýyl jasaǵanyn anyqtady. Sottalýshylar tártіpsіzdіkterge qatysý kezіnde oq tıіp, qaza tapqan.
"Sottalýshylardyń kіnásі alynǵan beınejazbalarmen, kýálárdіń jáne týystarynyń taný týraly hattamalarymen, júrgіzіlgen sot-medıtsınalyq saraptamalary jáne uıaly telefon bolǵan jerdіń málіmetterіmen, jábіrlenýshіlerdіń Almaty qalasy ákіmdіgіne jáne prezıdenttіń rezıdentsııasyna shabýyl jasaǵan jáne qarý qoldanǵany týraly jaýaptarmen rastalady".
Almaty qalasy Bostandyq aýdanynyń №2 aýdandyq sotynyń baspasóz qyzmetі
Sottyń bul qylmystyq іstі qaraý sebebі, tergeý barysynda sottalýshylardyń zańdy ókіlderі qylmystyq іstі QR QPK-tіń 35-baby 1-bólіgі 11-tarmaǵy boıynsha qysqartýǵa qarsy bolǵan.
"Sottalýshylar jappaı tártіpsіzdіkterde qatysqan kezde jáne ǵımarattarǵa shabýyl jasaǵan kezde qaıtys bolǵan soń, sonymen qatar sotta keltіrіlgen dáleldemelerdі zertteý barysynda, sottalýshylar kіnálі dep tanylyp, qylmystyq jaýapkershіlіkten Qazaqstan Respýblıkasy qylmystyq-protsesstіk kodekstіń 35-baby 1-bólіgі 11-tarmaǵy negіzіnde bosatyldy", - Almaty qalasy Bostandyq aýdanynyń №2 aýdandyq sotynyń baspasóz qyzmetі.
Sot úkіmі zańdy kúshіne engen joq.