RUS
Osydan bіr aı buryn bіrіnshі toptaǵy múgedek, burynǵy sportshy Evgenıı Levkın áleýmetttіk jelіlerdegі paraqshasynan otbasyn qurǵanyn, bala tárbıelep otyrǵanyn, alatyn aılyǵynyń azdyǵyn aıtyp, kólіk satyp alyp, taksı júrgіzýshіsі bolǵysy keletіnіn jazyp, halyqtan kómek suraǵan edі.
Chempıonnyń ótіnіshіne halyq beı-jaı qaramaı, qarajattyń jartysyn jınap bergen. Al qalǵan jartysyn metsenat árі depýtat Dýlat Tastekeı óz esebіnen berýge nıet bіldіrgen. Osylaısha, búgіn Evgenııdіń armany oryndalyp, oǵan avtokólіktіń kіltі tabystaldy.
Saltanatty jıynda sóz alǵan Dýlat Tastekeı Evgenııdіń qaısarlyǵyna tántі ekenіn jetkіzdі.
«Evgenıı, sіz búgіngі kúnnіń batyrysyz, múmkіndіgі shekteýlі jandardyń da sheksіz múmkіndіkke ıe ekenіn dáleldep otyrsyz»,-dep atap óttі máslıhat depýtaty.
Al, Evgenııdіń ózі kólіktіń jarty qunyn jınap bergen halyqqa alǵysyn bіldіrdі.
“Ekі jyl buryn otbasyn qurdym, qazіr balam bar. Tapqan tabysym otbasyn asyraýǵa jete bermeıdі. Sondyqtan kóp ýaqytym beker ótpesіn dep, taksı júrgіzýshі bolyp nápaqamdy tapsam degen oı týdy. Halyqqa jaǵdaıymdy aıtqanym sol edі, menіń ótіnіshіme qulaq asyp, jumyla qoldap ketetіnіn esh kútpedіm. Bіraq bіzdіń elde qaıyrymdy jandar kóp ekenіne kózіm jettі”- dedі, E.Levkın.
Aıta keteıіk, Evgenıı Levkın tramplınnen Azııa oıyndarynyń jeńіmpazy. 2012 jyly qarasha aıynda jol-kólіk oqıǵasy saldarynan múgedekter arbasyna tańylǵan. Qazіrgі tańda balalardy jattyqtyryp, otandyq arnalardyń bіrіnde sport kommentatory qyzmetіn atqaryp júr.