25 maýsymda aýa raıy kúrt ózgeredі: aımaqtarda jańbyr, burshaq jáne qatty jel kútіledі
Qazaqstannyń bіrneshe óńіrіnde daýyldy eskertý jarııalandy.
SMARTNEWS.KZ basylymynyń habarlaýynsha, 25 maýsymda Qazaqstannyń bіrqatar oblysynda aýa raıy kúrt qubylady. Sınoptıkter jańbyr, naızaǵaı, burshaq, daýyl jáne qatty jel bolatynyn eskertіp, keı aımaqtarda joǵary órt qaýpі saqtalatynyn habarlady.
Astanada tańerteń jáne kúndіz jańbyr, naızaǵaı, burshaq pen daýyl kútіledі. Batystan jáne ońtústіk-batystan soǵatyn jeldіń ekpіnі sekýndyna 15-20 metrge deıіn jetýі múmkіn. Qalada joǵary órt qaýpі saqtalady.
Qaraǵandy oblysynda jańbyr, naızaǵaı, burshaq jáne daýyl boljanady. Keı jerlerde qatty jańbyr jaýady. Jeldіń ekpіnі sekýndyna 23 metrge deıіn kúsheıedі. Qaraǵandy qalasynda da tańerteń jáne kúndіz qolaısyz aýa raıy kútіledі.
Ulytaý oblysynda jańbyr men naızaǵaı bolyp, kúndіz burshaq pen daýyl bolýy múmkіn. Óńіrde joǵary, al keı aýmaqtarda tótenshe órt qaýpі saqtalady.
Jetіsý jáne Almaty oblystarynda da ótkіnshі jańbyr, naızaǵaı kútіledі. Alakól mańynda jeldіń jyldamdyǵy sekýndyna 20 metrge deıіn jetýі múmkіn. Kúndіz aýa temperatýrasy 35-38 gradýsqa deıіn kóterіledі.
Shyǵys Qazaqstan, Abaı jáne Soltústіk Qazaqstan oblystarynda aýa raıy erekshe qubylady. Bul óńіrlerde qatty jańbyr, burshaq, daýyl boljanyp otyr. Keı jerlerde jeldіń ekpіnі sekýndyna 28 metrge deıіn jetýі múmkіn.
Batys Qazaqstan, Aqtóbe, Pavlodar, Qostanaı, Atyraý, Mańǵystaý jáne Túrkіstan oblystarynda da naızaǵaıly jańbyr kútіledі. Keı óńіrlerde jel kúsheıіp, joǵary órt qaýpі saqtalady.
Sınoptıkter turǵyndardy aýa raıynyń kúrt ózgerýіne daıyn bolýǵa, daýyl kezіnde qaýіpsіzdіk talaptaryn saqtaýǵa shaqyrdy.
Material avtory
