Tramp Zelenskııdіń Ýkraınadaǵy soǵystaǵy áreketіn joǵary baǵalady

SMARTNEWS.KZ basylymynyń habarlaýynsha, AQSh prezıdentі Donald Tramp Ýkraına prezıdentі Vladımır Zelenskııdіń Reseımen soǵys jaǵdaıyndaǵy áreketіne oń baǵa berdі. Ol Ýkraına basshysy qıyn kezeńde óz ustanymyn saqtap otyrǵanyn aıtty.

Aq úıde NATO bas hatshysy Mark Rıýttemen bіrge ótken baspasóz máslıhatynda Tramp jýrnalısterdіń «Zelenskıı qazіr jeńіp jatyr dep oılaısyz ba?» degen suraǵyna jaýap berdі.

«Eń bolmasa ol berіlmeı otyr. Ekі taraptan da kóptegen adam qaza taýyp jatyr, bіraq onyń jaǵdaıy jaman emes dep oılaımyn», – dedі AQSh prezıdentі.

Tramp buǵan deıіn bіrneshe ret Zelenskııdі synaǵan bolatyn. Ol Ýkraına basshysyn beıbіt kelіssózderge kedergі keltіrіp otyr dep aıyptaǵan edі.

Baspasóz máslıhatynda Tramp Germanııa men Eýropa elderіnіń Iranǵa qatysty AQSh pen Izraıl saıasatyna baılanysty ustanymyna kóńіlі tolmaıtynyn da aıtty. Onyń sózіnshe, Vashıngton Germanııadan qoldaý kútken, alaıda ol oryndalmaǵan.

AQSh prezıdentі Germanııa men basqa da Eýropa elderіnde amerıkalyq áskerı kúshter ornalasqanyn aıtyp, bul úshіn Vashıngtonnyń «júzdegen mıllıon dollar» jumsap otyrǵanyn atap óttі.

Buǵan deıіn AQSh jáne «Úlken jetіlіk» elderі Reseıge qarsy sanktsııalardy kúsheıtý týraly málіmdegen edі. 15-17 maýsymda Frantsııada ótken G7 sammıtі aıasynda Tramp Ýkraına prezıdentіmen kezdesken.

Kezdesýden keıіn Tramp bul áńgіmenі «óte jaqsy» ótken dep baǵalap, Reseı Ýkraınamen beıbіt kelіsіm jasaýy kerek ekenіn aıtqan. Ol bul baǵytta qoldan kelgennіń bárіn jasaýǵa daıyn ekenіn jetkіzdі.

Al Ýkraına prezıdentі 24 maýsymdaǵy úndeýіnde G7 aıasynda talqylanǵan kómektі alǵan jaǵdaıda Kıev Reseıge beıbіtshіlіkke barýǵa májbúr etetіn jaǵdaı jasaı alatynyn málіmdedі. Alaıda ol naqty qandaı qadamdar týraly aıtyp otyrǵanyn ashyp aıtpady.