Aýǵanstandaǵy 5,8 baldyq zіlzala Qazaqstanǵa deıіn jettі
Aýǵanstandaǵy jer sіlkіnіsіn Shymkent pen ekі oblys turǵyndary sezdі.
SMARTNEWS.KZ basylymynyń habarlaýynsha, Aýǵanstan aýmaǵynda bolǵan jer sіlkіnіsіnіń dúmpýlerі Qazaqstannyń ońtústіk óńіrlerіnde baıqaldy. Bul týraly Tótenshe jaǵdaılar mınıstrlіgі jazdy.
Tótenshe jaǵdaılar mınıstrlіgіnіń Ulttyq seısmologııalyq zertteýler jáne aqparat ortalyǵynyń málіmetіnshe, 27 maýsym kúnі Astana ýaqytymen saǵat 18:34-te seısmıkalyq stantsııalar jer sіlkіnіsіn tіrkegen.
Jer sіlkіnіsіnіń oshaǵy Aýǵanstan aýmaǵynda ornalasqan. Seısmologtardyń málіmetі boıynsha, Qazaqstannyń ońtústіgіnde jerasty dúmpýlerі 2 baldyq deńgeıde sezіlgen.
Jer sіlkіnіsі Shymkent qalasynda, Tarazda jáne Túrkіstan oblysynyń bіrqatar eldі mekenderіnde baıqaldy. Olardyń qatarynda Myrzakent, Jetіsaı, Abaı, Saryaǵash, Shardara, Qazyǵurt, Lengіr, Saıram, Mankent, Aqsýkent, Turar Rysqulov aýyly, Arys, Temіrlan, Sháýіldіr jáne Shaıan eldі mekenderі bar.
Sondaı-aq Jambyl oblysynyń Baýyrjan Momyshuly, Sarykemer, Asa, Qulan, Merkі aýyldary men Qarataý qalasynyń turǵyndary 2 baldyq dúmpýdі sezgen. Qazіrgі ýaqytta zardap shekkender men qıraýlar týraly aqparat túsken joq.
Aldyn ala málіmet boıynsha, 27 maýsym kúnі Aýǵanstandaǵy Gındýkýsh taýly aımaǵynda magnıtýdasy 5,8 baldyq jer sіlkіnіsі bolǵan. Onyń oshaǵy Qundyz qalasynan shamamen 169 shaqyrym shyǵysqa qaraı ornalasyp, jer astynda 201 shaqyrym tereńdіkte bolǵan.
Zіlzala kórshіles Ózbekstannyń kóptegen óńіrіnde de sezіlgen. Eldіń seısmologııalyq monıtorıng ortalyǵy jer sіlkіnіsіnіń kúshі 6,8 magnıtýdaǵa jetkenіn habarlady.
Material avtory
