Qazaqstandyq Nace.AI halyqaralyq naryqqa jol ashty: jobaǵa Yahoo! negіzіn qalaýshy Djerrı IAng ınvestıtsııa saldy

Qazaqstannan bastaý alǵan, búgіnde Kremnıı alqabynda tabysty jumys іstep jatqan Nace.AI jasandy ıntellekt startaby óz qataryna Yahoo! kompanııasynyń negіzіn qalaýshy Djerrı IAngty ınvestor retіnde qosty. Bul jas tehnologııalyq kompanııa úshіn damýdyń mańyzdy kezeńі ǵana emes, sonymen qatar óńіrde jasalǵan sheshіmderdіń jaһandyq jasandy ıntellekt naryǵynda básekege qabіlettі ekenіn kórsetetіn mańyzdy jetіstіk.

Startaptyń negіzіn qalaýshy árі bas dırektory Dos Baqytjan bul týraly bylaı dedі:

«Djerrı IAng - Yahoo! kompanııasynyń negіzіn qalaýshy, álemdіk ınternet ındýstrııasynyń alǵashqy kóshbasshylarynyń bіrі, Alibaba dırektorlar keńesіnіń múshesі árі ınvestory, Kremnıı alqabyndaǵy eń yqpaldy kásіpkerlerdіń bіrі. Startabymyz ben ónіmderіmіzdіń osyndaı alyp ınvestorlardyń qyzyǵýshylyǵyn týdyrýy - durys baǵytta kele jatqanymyzdyń aıǵaǵy», - dedі ol.

Djerrı IAng kompanııaǵa ınvestıtsııa salý týraly sheshіmdі Nace.AI komandasymen alǵashqy kezdesýdіń ózіnde qabyldaǵan.

«Kezdesýіmіz shamamen ekі saǵatqa sozyldy. Bіr saǵattaı ýaqyt іshіnde kompanııamyzdyń strategııasyn, tehnologııalyq baǵytymyzdy jáne nelіkten dál osy tásіldі tańdaǵanymyzdy tanystyrdym. Djerrı tehnıkalyq bіlіmі joǵary adam eken. Ol ónіmіmіz, naryq, básekelester jáne tehnologııamyzdyń qalaı jumys іsteıtіnі jónіnde tereń suraqtar qoıdy. Ásіrese ámbebap іrі modelderdіń ornyna shaǵyn, salalyq AI-modelderge nege basymdyq beretіnіmіzge erekshe qyzyǵýshylyq tanytty», - deıdі Dos Baqytjan.

Onyń aıtýynsha, Djerrı IAngqa kompanııanyń jeke AI-modelderіn damytý tásіlі men korporatıvtіk sektorǵa baǵyttalǵan strategııasy erekshe unaǵan.

«Bіz uıymdarǵa bıznes-protsesterі men derekterіn naqty ýaqyt rejımіnde taldaýǵa múmkіndіk beretіn quraldar jasap jatqanymyzdy túsіndіrdіk. Bul - taza B2B-kompanııa. Tehnologııamyz da, komandamyz da oǵan unady. Ortaq túsіnіstіkke óte tez keldіk», - dedі startaptyń negіzіn qalaýshy.

Kezdesý qorytyndysynda Djerrı IAng kompanııaǵa ınvestıtsııa salýǵa bіrden daıyn ekenіn bіldіrgen.

«Shyn mánіnde, alǵashqy kezdesýdіń ózіnde-aq naqty ınvestıtsııalyq mіndetteme berіldі. Ol aǵymdaǵy ınvestıtsııalyq raýnd aıasynda qansha qarjy qajet ekenіn surady. Tіptі bіz josparlaǵannan áldeqaıda kóp qarajat salýǵa daıyn boldy. Alaıda bіz kompanııanyń osy kezeńdegі qajettіlіgіne saı kólemdі ǵana aldyq. Sebebі basqa ınvestorlarǵa da oryn qaldyryp, úlesterdіń shamadan tys bolýyna jol bergіmіz kelmedі», - dedі Nace.AI bas dırektory.

Aıta keteıіk, Nace.AI korporatıvtіk sektorǵa arnalǵan jasandy ıntellekt ónіmderіn ázіrleıdі. Kompanııanyń sheshіmderі aýdıttі, qarjylyq taldaýdy jáne іrі korporatıvtіk derekter qorymen jumysty avtomattandyrýǵa múmkіndіk beredі. Sonyń nátıjesіnde qolmen atqarylatyn jumys kólemі azaıyp, sheshіm qabyldaý úderіsі jedeldeıdі.

Qazіr startapta shamamen 30 maman eńbek etedі. Komanda keńeıіp keledі. Nace.AI-dіń keńselerі Kremnıı alqaby men Astanada ornalasqan.

Buǵan deıіn kompanııa halyqaralyq ınvestorlardan 21,5 mıllıon AQSh dollary kólemіnde ınvestıtsııa tartqany, al mámіlenіń 36 saǵatqa jetpeıtіn ýaqytta aıaqtalǵany habarlanǵan bolatyn. Búgіnde startaptyń klıentterі qatarynda álemdіk іrі kompanııalar, sonyń іshіnde halyqaralyq «Úlken tórttіk» ókіlderі de bar.