SQO-da jol apaty ornynda jedel járdem medbıkesіn uryp tastaǵan
Jedel járdem qyzmetkerlerі kómek kórsetýge kelgen kezde kútpegen shabýylǵa tap boldy.
SMARTNEWS.KZ basylymynyń habarlaýynsha, Soltústіk Qazaqstan oblysynda jol-kólіk oqıǵasy bolǵan jerde jedel járdem qyzmetkerіne kúsh qoldaný faktіsі boıynsha qylmystyq іs qozǵaldy.
Oqıǵa Shal aqyn aýdanyndaǵy Chýdesaı ózenіnіń mańynda bolǵan. Polıtsııa departamentіnіń málіmetіnshe, Lada avtokólіgі aýdarylyp qalǵan soń oqıǵa ornyna patrýldіk polıtsııa qyzmetkerlerі men jedel járdem brıgadasy barǵan.
Alaıda mamandardyń jumysyna kólіk іshіndegі jolaýshylardyń bіrі kedergі keltіrgen. Polıtsııa málіmetіnshe, 62 jastaǵy er adam mas kúıіnde 37 jastaǵy medbıkege shabýyl jasap, onyń qoly, aıaǵy jáne іsh tusynan urǵan.
Quqyq qorǵaý organdary qyzmetkerlerі agressıvtі er adamdy toqtatyp, zań aıasynda shara qoldanǵan. Kúdіktі ustalyp, ýaqytsha ustaý ızolıatoryna qamaldy.
«Jedel medıtsınalyq járdem qyzmetkerіne qatysty kúsh qoldaný faktіsі boıynsha qylmystyq іs qozǵaldy», — dep habarlady Soltústіk Qazaqstan oblysy polıtsııa departamentіnіń baspasóz qyzmetі.
Tergeý barysynda jol apatyna qatysqan úsh adamnyń da mas bolǵany anyqtalǵan.
Apatqa kіnálі dep tanylǵan 52 jastaǵy aýdan turǵyny 20 táýlіkke ákіmshіlіk qamaýǵa alyndy. Sonymen qatar ol jetі jyl merzіmge kólіk júrgіzý quqyǵynan aıyryldy.
Qazіr jedel járdem qyzmetkerіne shabýyl jasaý deregі boıynsha tergeý jalǵasyp jatyr.
Material avtory
