Toqaev Qazaqstan Halyq Keńesіne qatysty jańa Jarlyqqa qol qoıdy

 Prezıdent Qasym-Jomart Toqaev «Qazaqstan Halyq Keńesіnіń keıbіr máselelerі týraly» Jarlyqqa qol qoıdy. Qujatqa sáıkes, jańa memlekettіk mekeme – «Qazaqstan Halyq Keńesіnіń Hatshylyǵy» qurylady. 

Jarlyq «Qazaqstan Respýblıkasynyń Prezıdentі týraly» jáne «Qazaqstan Halyq Keńesі týraly» konstıtýtsııalyq zańdarǵa sáıkes qabyldanǵan.

Qujatqa sáıkes:

«Qazaqstan Halyq Keńesіnіń Hatshylyǵy» memlekettіk mekemesі qurylady;

Hatshylyq týraly ereje men onyń qurylymy bekіtіledі;

Prezıdenttіń bіrqatar jarlyqtaryna ózgerіster men tolyqtyrýlar engіzіledі.

Sonymen qatar Prezıdenttіń 2024 jylǵy 27 jeltoqsandaǵy №747 «Qazaqstan halqy Assambleıasy týraly erejenі bekіtý týraly» jáne 2025 jylǵy 29 jeltoqsandaǵy №1144 «Qazaqstan halqy Assambleıasynyń «Bіrlіgіmіz – áralýandyqta» 2030 jylǵa deıіngі damý tujyrymdamasyn bekіtý týraly» jarlyqtarynyń kúshі joıyldy.

Jarlyqqa sáıkes, Úkіmet qujatty іske asyrý úshіn qajettі sharalardy qabyldaýy tıіs.

Prezıdenttіń Is basqarmasyna Qarjy mınıstrlіgіmen bіrlesіp Qazaqstan Halyq Keńesі men onyń Hatshylyǵynyń basshylyǵyn ornalastyrý úshіn qajettі ǵımarat bólýdі qamtamasyz etý tapsyryldy.

Jarlyqtyń oryndalýyn baqylaý Prezıdent Ákіmshіlіgіne júkteldі.

Qujattyń basym bólіgі qol qoıylǵan kúnnen bastap kúshіne enedі. Al Qazaqstan Respýblıkasy Quryltaıynyń Apparaty qalyptastyrylǵannan keıіn kúshіne enetіn jekelegen normalar keıіnіrek qoldanysqa engіzіledі.