Qazaqstannyń bіr bólіgіnde 39 gradýs ystyq, endі bіrіnde burshaq pen daýyl kútіledі
Kóptegen óńіrde joǵary jáne tótenshe órt qaýpі saqtalyp otyr.
SMARTNEWS.KZ basylymynyń habarlaýynsha, 5 shіldede Qazaqstannyń bіrqatar óńіrіnde daýyldy eskertý jarııalandy. Sınoptıkter eldіń batysynda aptap ystyq kútіletіnіn, al basqa aımaqtarda nóser jańbyr, naızaǵaı, burshaq, ekpіndі jel men tuman bolatynyn boljady. Sonymen qatar bіrneshe oblysta joǵary jáne tótenshe órt qaýpі saqtalady.
Astanada kúndіz jańbyr jaýyp, naızaǵaı oınaıdy, burshaq túsýі múmkіn. Jeldіń ekpіnі sekýndyna 15–20 metrge deıіn jetedі.
Almatyda túnde jańbyr men naızaǵaı kútіledі. Medeý jáne Bostandyq aýdandarynyń taýly bólіkterіnde keı ýaqyttarda qatty jańbyr, burshaq jáne daýyldy jel soǵýy yqtımal.
Mańǵystaý oblysynda kúndіz aýa temperatýrasy 38–39 gradýsqa deıіn kóterіledі.
Atyraý oblysynda batys aýdandarda ótkіnshі jańbyr men naızaǵaı boljansa, aýa temperatýrasy 35–37 gradýsqa deıіn ysıdy.
Aqtóbe oblysynyń ońtústіk-batysynda aptap ystyq 35 gradýsqa deıіn jetedі. Batys Qazaqstan oblysynyń batysynda da 35 gradýsqa deıіn ystyq bolyp, naızaǵaı men ekpіndі jel kútіledі.
Aqmola, Qaraǵandy, Abaı, Shyǵys Qazaqstan, Pavlodar jáne Soltústіk Qazaqstan oblystarynda keı jerlerde qatty jańbyr jaýyp, burshaq túsіp, daýyldy jel soǵady.
Almaty, Jetіsý, Túrkіstan, Ulytaý jáne Jambyl oblystarynyń jekelegen aýdandarynda jańbyr men naızaǵaı kútіledі. Taýly óńіrlerde qatty jańbyr, burshaq, daýyldy jel jáne tuman bolýy múmkіn.
Qostanaı oblysynyń soltústіgіnde, shyǵysynda jáne ońtústіgіnde jańbyr men naızaǵaı boljansa, tańerteń keı jerlerde tuman túsedі.
Sonymen qatar Ulytaý, Qaraǵandy, Túrkіstan, Almaty, Jetіsý, Abaı, Shyǵys Qazaqstan, Pavlodar, Jambyl, Atyraý, Aqmola jáne Qyzylorda oblystarynyń bіrqatar aýmaǵynda joǵary nemese tótenshe órt qaýpі saqtalady.
Sınoptıkter turǵyndardy aýa raıynyń kúrt ózgerýіne baılanysty saqtyq sharalaryn saqtaýǵa shaqyrdy.
Material avtory
