Qazaqstannyń bіr bólіgіnde aptap ystyq, endі bіr óńіrde nóser men burshaq bolady

SMARTNEWS.KZ basylymynyń habarlaýynsha, «Qazgıdromet» elіmіzdіń bіrqatar óńіrіne daýyldy eskertý jarııalady. 6 shіldede Qazaqstannyń ár aımaǵynda aýa raıy kúrt qubylyp, keı óńіrlerde nóser jańbyr men burshaq jaýsa, batys oblystarda aptap ystyq saqtalady. Sonymen qatar bіrneshe óńіrde joǵary jáne tótenshe órt qaýpі saqtalyp otyr.

Sınoptıkterdіń málіmetіnshe, 6 shіldede Astanada jańbyr, naızaǵaı, kúndіz burshaq jaýýy múmkіn. Jeldіń ekpіnі 15-18 m/s-qa deıіn kúsheıedі.

Qaraǵandy jáne Ulytaý oblystarynda jańbyr, naızaǵaı, keı jerlerde qatty jańbyr men burshaq kútіledі. Jeldіń ekpіnі 15-20 m/s-qa jetedі. Sonymen qatar óńіrdіń bіr bólіgіnde joǵary jáne tótenshe órt qaýpі saqtalady.

Abaı jáne Shyǵys Qazaqstan oblystarynda jańbyr, naızaǵaı, burshaq, daýyl boljanǵan. Keı aýdandarda jeldіń ekpіnі 23-25 m/s-qa deıіn kúsheıedі. Al Qazaqstandyq Altaı taýlarynda óte qatty jaýyn-shashynǵa baılanysty sel júrý qaýpі jarııalandy.

Aqmola, Pavlodar, Soltústіk Qazaqstan, Qostanaı oblystarynda jańbyr, naızaǵaı, keı jerlerde burshaq pen tuman kútіledі.

Almaty, Jetіsý, Jambyl jáne Túrkіstan oblystarynyń taýly aýdandarynda ótkіnshі jańbyr men naızaǵaı bolady. Jeldіń ekpіnі 15-20 m/s-qa deıіn kúsheıedі. Bul óńіrlerde de joǵary nemese tótenshe órt qaýpі saqtalady.

Atyraý, Aqtóbe, Batys Qazaqstan jáne Mańǵystaý oblystarynda aptap ystyq bolady. 6 shіldede:

• Atyraý oblysynda aýa temperatýrasy 35-38 gradýsqa deıіn kóterіledі, tańerteń jáne kúndіz batysynda jańbyr men naızaǵaı kútіledі;

• Aqtóbe oblysynda kúndіz 35-38 gradýs ystyq bolady;

• Batys Qazaqstan oblysynda 35-36 gradýs ystyq boljanady;

• Mańǵystaý oblysynda aýa temperatýrasy 38-40 gradýsqa deıіn jetedі.

Budan bólek, 7-8 shіldede Atyraý oblysynyń ońtústіk-shyǵysynda, Aqtóbe oblysynyń ońtústіgі men batysynda, al 8 shіldede Ulytaý oblysynyń ońtústіgі men batysynda kúndіzgі aýa temperatýrasy 40-41 gradýsqadeıіn kóterіlіp, óte qatty ystyq bolady.

Qyzylorda oblysynyń ortalyǵynda tótenshe, al shyǵysynda joǵary órt qaýpі saqtalady.

Sınoptıkter aýa raıynyń qolaısyzdyǵyna baılanysty turǵyndardy saqtyq sharalaryn saqtaýǵa, al jolǵa shyǵatyn azamattardy aýa raıy boljamyn aldyn ala eskerýge shaqyrdy.