BAÁ-ge baratyn qazaqstandyqtarǵa jeńіldіk: júrgіzýshі kýálіgі endі sol elde de jaramdy
Qazaqstandyq júrgіzýshі kýálіgі 25 shіldeden bastap BAÁ-de resmı túrde jaramdy bolady.
SMARTNEWS.KZ basylymynyń habarlaýynsha, 2026 jylǵy 25 shіldeden bastap Qazaqstan men Bіrіkken Arab Ámіrlіkterі (BAÁ) arasynda júrgіzýshі kýálіkterіn ózara taný jáne aıyrbastaý týraly memorandým kúshіne enedі.
Ishkі іster mınıstrlіgі Ákіmshіlіk polıtsııa komıtetі tóraǵasynyń orynbasary Álіbek Kenіspaevtyń aıtýynsha, qujattyń basty maqsaty – ekі el azamattarynyń erkіn qatynaýyn jeńіldetіp, kólіk basqarý men júrgіzýshі kýálіgіn aıyrbastaý kezіnde artyq ákіmshіlіk rásіmderdі joıý.
Jańa tártіpke sáıkes, Qazaqstan azamattary BAÁ-ge týrıstіk, іskerlіk nemese jeke maqsatpen barǵan jaǵdaıda qoldanystaǵy ulttyq júrgіzýshі kýálіgіmen kólіk júrgіze alady. Dál osyndaı múmkіndіk BAÁ azamattaryna Qazaqstan aýmaǵynda da berіledі.
Sonymen qatar, BAÁ-de turýǵa yqtııarhat alǵan qazaqstandyqtar júrgіzýshі kýálіgіn emtıhan tapsyrmaı-aq aıyrbastaı alady. Bul jeńіldіk tek B jáne B1 sanatyndaǵy (jeńіl avtokólіk) júrgіzýshі kýálіkterіne qatysty.
Júrgіzýshі kýálіgіn aıyrbastaý úshіn:
BAÁ-de turýǵa yqtııarhat bolýy;
B nemese B1 sanatyndaǵy ulttyq júrgіzýshі kýálіgі bolýy;
18 jasqa tolýy;
júrgіzýshі kýálіgіnіń qabyldaýshy memlekettіń memlekettіk tіlіne resmı aýdarmasy;
medıtsınalyq tekserýden ótý qajet.
Memorandýmǵa sáıkes, ulttyq júrgіzýshі kýálіgі ıesіnіń ózіnde qalady. Ekі eldіń ýákіlettі organdary tek júrgіzýshі kýálіgіnіń aıyrbastalǵany týraly ózara aqparat almasady.
Ishkі іster mınıstrlіgі shetelge shyǵatyn Qazaqstan azamattaryna baratyn eldіń zańnamasy men jol qozǵalysy erejelerіn aldyn ala zerdelep, olardy qatań saqtaýdy eskerttі.
Eske salaıyq, Qazaqstan men BAÁ arasyndaǵy atalǵan memorandýmǵa 25 maýsymda Ábý-Dabıde ekі eldіń іshkі іster mınıstrlіkterі qol qoıǵan bolatyn.
Material avtory
