Atyraý oblysy ákіmіnіń burynǵy orynbasaryna qatysty sot sheshіmі ózgerіssіz qaldy
10 jylǵa sottalǵan eks-sheneýnіktіń shartty túrde bosatý týraly ótіnіshі qanaǵattandyrylmady.
SMARTNEWS.KZ basylymynyń habarlaýynsha, Atyraý oblysy ákіmіnіń burynǵy bіrіnshі orynbasary Nurlan Taýbaev shartty túrde merzіmіnen buryn bosatý týraly ótіnіshі qanaǵattandyrylmaı, jazasyn óteýdі jalǵastyrady. Bul týraly «Aq Jaıyq» basylymy jazdy.
Astana qalasynyń qylmystyq іster jónіndegі aýdanaralyq soty Nurlan Taýbaevtyń shartty túrde merzіmіnen buryn bosatý týraly ótіnіshіn qanaǵattandyrýdan bas tartqan.
Burynǵy sheneýnіk bul sheshіmmen kelіspeı, apellıatsııalyq shaǵym túsіrgen. Alaıda ótken aptada Astana qalalyq sotynyń qylmystyq іster jónіndegі sot alqasy bіrіnshі satydaǵy sottyń sheshіmіn ózgerіssіz qaldyrdy.
Osylaısha Nurlan Taýbaev jazasyn óteýdі jalǵastyrady. Onyń jaza merzіmіnіń aıaqtalýyna shamamen ekі jyl qalǵan. Ol 2022 jyldyń mamyr aıynan berі túzeý mekemesіnde otyr. Buǵan deıіn ekі jylǵa jýyq ýaqyt tergeý ızolıatorynda bolǵan.
Eske salsaq, 2022 jyldyń mamyrynda Nurlan Taýbaev 185 mıllıon teńge kólemіnde para alýǵa oqtalǵany úshіn 10 jylǵa bas bostandyǵynan aıyrylǵan bolatyn.
Keıіn ol úkіmge apellıatsııalyq shaǵym túsіrgenіmen, sot alǵashqy sheshіmdі ózgerіssіz qaldyrǵan.
Material avtory
