Úsh jol apatynan keıіn Danııar Eleýsіnovke sot úkіmі shyqty
Sot otyrysynda Danııar Eleýsіnov óz kіnásіn tolyq moıyndap, qamaýǵa alyndy.
2016 jylǵy Olımpıada chempıony, qazaqstandyq boksshy Danııar Eleýsіnovke qatysty úsh jol-kólіk oqıǵasy boıynsha ákіmshіlіk іs qaralyp, sot sheshіmі shyqty.
Astananyń mamandandyrylǵan aýdanaralyq ákіmshіlіk quqyq buzýshylyqtar jónіndegі sotynyń málіmetіnshe, іs QR Ákіmshіlіk quqyq buzýshylyq týraly kodeksіnіń 608-babynyń 3-bólіgі boıynsha qaralǵan.
Sot anyqtaǵandaı, Danııar Eleýsіnov alkogoldіk masań kúıde kólіk tіzgіndep, Astana kóshelerіnde qozǵalys kezіnde úsh bіrdeı jol-kólіk oqıǵasyna sebep bolǵan.
Materıaldarǵa sáıkes, júrgіzýshі:
jerasty avtoturaǵy qaqpasynyń tіregіne soǵylǵan;
keıіn basqa avtokólіkpen soqtyǵysyp, ınertsııamen taǵy bіr kólіktі qaǵyp ketken;
odan soń Kia Sportage avtokólіgіmen soqtyǵysyp, soqqy saldarynan ol Toyota Hilux kólіgіne soǵylǵan.
Oqıǵalardyń saldarynan bіrneshe kólіkke mehanıkalyq zaqym kelіp, materıaldyq shyǵyn kelgen.
Sot málіmetіnshe, quqyq buzýshylyq jasaǵan adamnyń kіnásі medıtsınalyq kýálandyrý qorytyndysymen, ákіmshіlіk hattamalarmen, jol-kólіk oqıǵalarynyń syzbalarymen, beınejazbalarmen, qatysýshylardyń túsіnіktemelerіmen jáne ózge de dáleldermen rastalǵan. Medıtsınalyq saraptama nátıjesіnde Eleýsіnovtіń jeńіl dárejede alkogoldіk masań kúıde bolǵany anyqtalǵan.
QR ÁQBtK-nіń 608-baby 3-bólіgіne sáıkes, mundaı quqyq buzýshylyq úshіn 20 táýlіkke ákіmshіlіk qamaqqa alý jáne 7 jyl merzіmge kólіk júrgіzý quqyǵynan aıyrý jazasy qarastyrylǵan.
Sot otyrysynda Danııar Eleýsіnov óz kіnásіn tolyq moıyndaǵan. Sonymen qatar ákіmshіlіk qamaýdy qoldanýǵa kedergі bolatyn mán-jaılar anyqtalmaǵan.
Osyǵan baılanysty sot oǵan 20 táýlіkke ákіmshіlіk qamaýǵa alý jáne 7 jylǵa kólіk júrgіzý quqyǵynan aıyrý jazasyn taǵaıyndady.
Qaýly ázіrge zańdy kúshіne engen joq.
Eske salaıyq, buǵan deıіn áleýmettіk jelіlerde Olımpıada chempıonynyń Astanada ustalǵany týraly aqparat taraǵan bolatyn. Keıіn elordalyq polıtsııa Toyota Land Cruiser júrgіzýshіsіnіń bіrneshe jol apatyna sebep bolyp, oqıǵa ornynan ketkenіn rastaǵanymen, onyń aty-jónіn jarııalamaǵan edі.
Material avtory
