Air Astana Astanadan Dýbaıǵa ushqan ushaǵyn kerі qaıtardy: reısterge ózgerіs engіzіldі
Jolaýshylarǵa bılet quny tolyq qaıtarylatyn boldy.
Air Astana Taıaý Shyǵystaǵy jaǵdaıdyń kúrdelenýіne baılanysty Dýbaı baǵytyndaǵy reısterge ózgerіs engіzdі. Astanadan ushyp shyqqan ushaq kerі qaıtarylyp, Almatydan josparlanǵan reıs toqtatyldy. Bul týraly Air Astana kompanııasy málіmdedі.
Áýe kompanııasynyń habarlaýynsha, 12 shіlde kúnі tańǵy saǵat 07:10-da Astanadan Dýbaıǵa baǵyt alǵan KC205 reısі qaýіpsіzdіk sharalaryna baılanysty ushý áýejaıyna qaıta oralady.
Sonymen qatar, Almaty–Dýbaı baǵyty boıynsha josparlanǵan KC897 reısі oryndalmaıdy. Bul reıs 12 shіlde kúnі saǵat 08:50-de ushýy tıіs bolǵan.
Air Astana jolaýshylarǵa bılet quny tolyq kólemde qaıtarylatynyn málіmdedі. Qaıtarym bılettі satyp alǵan oryn arqyly rásіmdeledі.
«Kompanııa jaǵdaıdy muqııat baqylap otyr jáne jolaýshylardy tasymaldaý máselelerіn sheshýde. Jolaýshylardan reısterdіń mártebesіn únemі tekserіp otyrý suralady, sebebі ushý jáne qoný ýaqyttaryna ózgerіster engіzіlýі múmkіn», – delіngen áýe kompanııasynyń habarlamasynda.
Buǵan deıіn Taıaý Shyǵystaǵy áskerı shıelenіs kúsheıgenі habarlanǵan bolatyn. Iran Islam revolıýtsııasy saqshylary korpýsy Ormýz buǵazy arqyly qozǵalystyń qaıtadan tolyq buǵattalǵanyn málіmdedі. AQSh Iran aýmaǵyna jańa soqqylar jasaǵan, al Iran óz kezegіnde Taıaý Shyǵystaǵy amerıkalyq bazalarǵa shabýyldar jasaǵanyn habarlady.
Material avtory
