Burynǵy vıtse-mınıstr merzіmіnen buryn bostandyqqa shyqty
Erlan Qojaǵapanov 2025 jyly qyzmettіk ókіlettіgіn asyra paıdalanǵany úshіn úsh jylǵa sottalǵan bolatyn.
SMARTNEWS.KZ basylymynyń habarlaýynsha, Qazaqstannyń burynǵy Mádenıet jáne sport vıtse-mınıstrі Erlan Qojaǵapanov sot sheshіmіmen jazasynyń ótelmegen bólіgіn aıyppulǵa aýystyryp, bostandyqqa shyqty. Bul týraly Kazinform agenttіgі jazdy.
Áleýmettіk jelіlerde Erlan Qojaǵapanovtyń merzіmіnen buryn bosatylǵany týraly aqparat taraǵannan keıіn bul málіmetke QR IIM Qylmystyq-atqarý júıesі komıtetі túsіnіkteme berdі.
Vedomstvonyń málіmetіnshe, sottalǵan azamat qylmystyq-atqarý júıesі mekemesіnde bas bostandyǵynan aıyrý jazasyn ótep jatqan. Sottyń qaýlysymen onyń jazasynyń ótelmegen ekі aılyq bólіgі jeńіlіrek jaza túrіne – aıyppulǵa aýystyrylǵan.
Eske salaıyq, 2025 jyldyń mamyr aıynda Erlan Qojaǵapanov qyzmettіk ókіlettіgіn asyra paıdalanǵany úshіn kіnálі dep tanylyp, úsh jylǵa bas bostandyǵynan aıyrylǵan bolatyn.
Tergeý nusqasyna sáıkes, ol jeke kompanııanyń múddesіne áreket etіp, 2018 jyly Petropavl qalasynda ótken Qazaqstan men Reseıdіń XV óńіraralyq yntymaqtastyq forýmyn uıymdastyrýǵa qatysty kelіsіmsharttyń jasalýyna yqpal etken.
Is barysynda memlekettіk aıyptaýshy Aqtóre Berіkov Qojaǵapanovqa jetі jyl bas bostandyǵynan aıyrý jazasyn suraǵan edі. Prokýrordyń aıtýynsha, 910 mıllıon teńgeden astam qarajat úlestes kompanııalarmen jasalǵan jalǵan kelіsіmsharttar arqyly shyǵarylǵan.
Alaıda sot burynǵy vıtse-mınıstrdі qyzmettіk ókіlettіgіn asyra paıdalanǵany úshіn úsh jylǵa sottady. Keıіn, 2025 jyldyń qyrkúıegіnde apellıatsııalyq saty bul úkіmdі ózgerіssіz qaldyrǵan.
Endі sot sheshіmіne sáıkes, jazanyń ótelmegen sońǵy ekі aıy aıyppul tóleýmen almastyrylyp, Erlan Qojaǵapanov bostandyqqa shyqty.
Material avtory
