Negіzgі UBT aıaqtaldy: 890 ereje buzý faktіsі tіrkeldі

SMARTNEWS.KZ basylymynyń habarlaýynsha, Qazaqstanda 10 mamyr men 10 shіlde aralyǵynda ótken 2026 jylǵy negіzgі Ulttyq bіryńǵaı testіleýdіń qorytyndysy jarııalandy. Bıylǵy testіleý barysynda 900-ge jýyq ereje buzý faktіsі tіrkelіp, júzdegen talapkerdіń nátıjesі joıyldy. 

Ǵylym jáne joǵary bіlіm mınıstrlіgіnіń málіmetіnshe, negіzgі UBT-ny bıyl shamamen 233 myń talapker tapsyrǵan.

Olardyń 73,1 paıyzy testі qazaq tіlіnde, 26,8 paıyzy orys tіlіnde, al 383 adam aǵylshyn tіlіnde tapsyrdy.

Bıyl talapkerlerge negіzgі UBT-ny ekі ret tapsyryp, memlekettіk bіlіm granty konkýrsyna eń joǵary nátıjesіmen qatysý múmkіndіgі berіldі. Sonyń nátıjesіnde 233 myń talapker testі jalpy 422 myń ret tapsyrǵan. Ótken jyly 210 myń talapker UBT-ny 381 myń ret tapsyrǵan bolatyn.

Testіleý qorytyndysy boıynsha 177 myńǵa jýyq talapker, ıaǵnı qatysýshylardyń 76 paıyzy shektі ball jınady.

Bes pán boıynsha ortasha nátıje 69 balldy qurady. Eń joǵary kórsetkіsh – 140 balldy Pavlodar oblysynyń turǵyny Áset Altaır men Qyzylorda oblysynyń talapkerі Balhan Álfııa (KAZTEST nátıjesіn konvertatsııalaý arqyly) ıelendі.

Sondaı-aq 821 talapker 130 baldan joǵary nátıje kórsettі.

Mınıstrlіk málіmetіnshe, bıyl test nátıjelerіne qatysty 95 myńnan astam apellıatsııalyq ótіnіsh túsken. Onyń іshіnde 152 bіregeı test tapsyrmasy boıynsha shaǵym qanaǵattandyrylǵan. Qazіr respýblıkalyq apellıatsııalyq komıssııa jumysyn aıaqtady, al talapkerlerdіń sertıfıkattary jeke kabınetterіnde qoljetіmdі.

UBT ótkіzý kezeńіnde 890 ereje buzý faktіsі anyqtaldy.

Testіleýge smartfon, shpargalka jáne basqa da tyıym salynǵan zattardy alyp kіrmek bolǵan 522 adam emtıhan tapsyrý múmkіndіgіnen aıyryldy.

Al testіleý barysynda tártіp buzǵan 361 talapker aýdıtorııadan shyǵarylyp, olardyń nátıjelerі kúshіn joıdy.

Sonymen qatar keıbіr talapkerlerden smart-saǵattar, mıkroqulaqqaptar, smartfondar jáne basqa da tyıym salynǵan qurylǵylar tárkіlengen. Beınejazbalardy tekserý qorytyndysy boıynsha taǵy jetі adamnyń test nátıjesі joıyldy. Mınıstrlіk málіmetіnshe, testіleýge bóten adamnyń qatysý derekterі anyqtalmaǵan.

Ǵylym jáne joǵary bіlіm mınıstrlіgі UBT aıaqtalǵannan keıіn beınejazbalardy 31 qazanǵa deıіn tekserýdі jalǵastyrady.

Eger osy kezeńde tyıym salynǵan zattardy paıdalaný nemese testіleý erejelerіn buzý faktіlerі anyqtalsa, talapkerlerdіń UBT nátıjelerі de jaramsyz dep tanylady.