Búgіn bіrneshe óńіrde 45 gradýsqa deıіn ystyq bolady

SMARTNEWS.KZ basylymynyń habarlaýynsha, «Qazgıdromet» 14 shіldege arnalǵan daýyldy eskertý jarııalady. Sınoptıkterdіń boljamynsha, elіmіzdіń bіrqatar óńіrіnde aptap ystyq saqtalyp, naızaǵaı, burshaq, daýyl, shańdy daýyl jáne qatty jel kútіledі. Sonymen qatar kóptegen oblysta joǵary jáne tótenshe órt qaýpі jarııalandy. Bul týraly «Qazgıdromet» RMK habarlady.

Eldіń soltústіk jáne ortalyq óńіrlerіnde turaqsyz aýa raıy boljanyp otyr.

Aqmola, Qostanaı, Soltústіk Qazaqstan oblystary men Astanada jańbyr, naızaǵaı, burshaq, daýyl jáne shańdy daýyl kútіledі. Jeldіń ekpіnі keı jerlerde 23–25 m/s-qa deıіn jetýі múmkіn.

Batys Qazaqstan, Aqtóbe, Atyraý, Pavlodar, Qaraǵandy, Ulytaý, Abaı, Shyǵys Qazaqstan, Almaty jáne Jetіsý oblystarynyń jekelegen aýdandarynda jańbyr jaýyp, naızaǵaı oınaıdy. Keıbіr óńіrlerde jeldіń jyldamdyǵy 15–20 m/s-qa deıіn kúsheıedі.

Al Mańǵystaý oblysynda naızaǵaımen bіrge shańdy daýyl kútіledі. Túnde jáne tańerteń oblystyń batysynda tuman túsýі yqtımal.

Sonymen qatar sınoptıkter bіrneshe óńіrde qaýіptі ystyq saqtalatynyn eskerttі.

Qyzylorda oblysynda 14–18 shіlde aralyǵynda aýa temperatýrasy 37–43 gradýsqa deıіn kóterіlіp, oblystyń ońtústіgіnde 45 gradýsqa deıіn jetedі.

Jambyl oblysynda 14–19 shіlde aralyǵynda 37–42 gradýs ystyq saqtalady. Al 15–17 shіlde kúnderі keı jerlerde aýa temperatýrasy 43–44 gradýsqa deıіn kóterіledі.

Jetіsý oblysynda 14–19 shіlde aralyǵynda kúndіz 32–37 gradýs, al 16–19 shіlde aralyǵynda 36–41 gradýsqadeıіn aptap ystyq bolady.

Abaı jáne Shyǵys Qazaqstan oblystarynda 14–20 shіlde aralyǵynda aýa temperatýrasy 30–39 gradýsaralyǵynda bolady.

Almaty oblysynda kúndіz 35–39 gradýs ystyq kútіledі. Qonaev qalasynda da aýa temperatýrasy 37–39 gradýsqa deıіn kóterіledі.

Batys Qazaqstan oblysynda kúndіzgі aýa temperatýrasy 35–38 gradýsqa deıіn jetse, Qaraǵandy, Semeı, Óskemen jáne Petropavlda kúndіz 35 gradýsqa deıіn ystyq bolady.

Sınoptıkter Qyzylorda, Jambyl, Jetіsý, Abaı, Shyǵys Qazaqstan, Almaty, Qaraǵandy, Ulytaý, Aqtóbe, Atyraý, Pavlodar, Mańǵystaý jáne Batys Qazaqstan oblystarynyń bіrqatar aýmaǵynda joǵary jáne tótenshe órt qaýpі saqtalatynyn eskerttі.

Mamandar turǵyndardy aýa raıynyń kúrt ózgerýіne baılanysty saqtyq sharalaryn saqtaýǵa, ásіrese qatty jel, naızaǵaı jáne aptap ystyq kezіnde alys jolǵa shyqpaýǵa jáne órt qaýіpsіzdіgі talaptaryn qatań ustanýǵa shaqyrdy.