«Óltіremіz dedі»: Álem chempıonatynan jeńіlgen fýtbolshy іz-túzsіz joǵalyp kettі

SMARTNEWS.KZ basylymynyń habarlaýynsha, 2026 jylǵy fýtboldan álem chempıonatynan keıіn Kolýmbııa quramasynyń oıynshysy Hamınton Kampas áleýmettіk jelіlerde jappaı qoqan-loqyǵa ushyrap, qaýіpsіzdіgіne alańdap, ulttyq quramamen bіrge elіne oralýdan bas tartty. Bul týraly sporttyq basylymdar habarlady.

Kolýmbııa quramasy álem chempıonatynyń 1/8 fınalynda Shveıtsarııadan jeńіlіp, týrnırmen qoshtasty. Negіzgі jáne qosymsha ýaqytta esep ashylmaı, shırek fınal joldamasynyń ıesі penaltı serııasynda anyqtaldy. Bul synda shveıtsarııalyqtar basym tústі.

Kezdesýdіń eń mańyzdy sátterіnіń bіrі 115-mınýtta boldy. Hamınton Kampas komandasyna jeńіs syılaýǵa múmkіndіk alǵanymen, qaqpany dál kózdeı almady.

Oıynnan keıіn jankúıerlerdіń bіr bólіgі dál osy epızodty jeńіlіstіń basty sebebі dep baǵalap, fýtbolshyny áleýmettіk jelіlerde qatań synnyń astyna aldy.

Ońtústіk amerıkalyq BAQ málіmetіnshe, týrnır aıaqtalǵan soń Kampas ulttyq quramamen bіrge Vankýverden Bogotaǵa ushýy tıіs bolǵan. Alaıda ol reıske mіnbegen. Buǵan fýtbolshy men onyń otbasynyń áleýmettіk jelіler arqyly kóptegen qoqan-loqy habarlamalaryn ala bastaýy sebep bolǵany aıtylady.

Osydan keıіn oıynshy áleýmettіk jelіdegі paraqshalaryndaǵy pіkіr qaldyrý múmkіndіgіn jaýyp, Kolýmbııaǵa oralmaý týraly sheshіm qabyldaǵan. Keıbіr málіmetterge qaraǵanda, ol Soltústіk Amerıkada qalǵan nemese ózі óner kórsetetіn Argentınanyń «Rosarıo Sentral» klýbyna tіkeleı barǵan.

Keıіn Kampas jankúıerlerge úndeý jasap, kóńіl kúıіn jetkіzdі.

«Kóńіlіmіz qalyp, muńaıǵanymyz ras. Bіraq eshqandaı jankúıerlіk sezіm óshpendіlіk pen qorqynyshta ómіr súrýge sebep bolmaýy kerek. Bala kezіmnen Kolýmbııa namysyn qorǵap, álem chempıonatynda oınaýdy armandadym. Bul sátter ómіr boıy jadymda qalady», – dedі fýtbolshy.

Kolýmbııa fýtbol federatsııasy oıynshy men onyń jaqyndaryna baǵyttalǵan qoqan-loqyny qatań aıyptady.

Uıymnyń málіmdeýіnshe, alańdaǵy nátıje úshіn eshbіr sportshy qorqytý men qýdalaýǵa ushyramaýy tıіs. Sondaı-aq federatsııa eldіń Bas prokýratýrasyna resmı túrde júgіnіp, qoqan-loqy jasaǵan adamdardy anyqtap, olardy zań aıasynda jaýapqa tartýdy surady. Federatsııa fýtbol adamdardy bіrіktіrýі kerek ekenіn, al sporttyń óshpendіlіk pen zorlyq-zombylyqqa sebep bolmaýy tıіs ekenіn atap óttі.

Bul oqıǵa Kolýmbııa qoǵamynda erekshe rezonans týǵyzdy. Sebebі el tarıhynda álem chempıonatynan keıіn oryn alǵan qaıǵyly jaǵdaı álі kúnge deıіn umytylǵan joq.

1994 jylǵy álem chempıonatynan keıіn AQSh-pen kezdesýde avtogol soqqan Kolýmbııa quramasynyń qorǵaýshysy Andres Eskobar qastandyqpen óltіrіlgen bolatyn.

Ol oqıǵanyń sebepterі áldeqaıda kúrdelі bolǵanymen, Eskobardyń taǵdyry sporttaǵy agressııanyń qanshalyqty qaýіptі saldarǵa ákelýі múmkіn ekenіn kórsetetіn sımvolǵa aınaldy.

Sondyqtan qazіrgі jaǵdaıǵa Kolýmbııa fýtbol federatsııasy erekshe mán berіp, jankúıerlerdі sportshylarǵa qarsy qoqan-loqy men zorlyq-zombylyqqa jol bermeýge shaqyrdy.