Jarty jylda memlekettіk qazynaǵa 8,5 trln teńge túsken
Salyq túsіmderіnіń artqasyn bıýdjet kіrіsі de kóbeıe tústі.
SMARTNEWS.KZ basylymynyń habarlaýynsha, bıylǵy jyldyń alǵashqy alty aıynyń qorytyndysy boıynsha respýblıkalyq bıýdjettіń kіrіs bólіgі tolyq kólemde oryndaldy. Sonymen qatar memleket ózіne alǵan barlyq áleýmettіk mіndettemelerdі ýaqytyly qarjylandyrdy. Bul týraly Úkіmet otyrysynda qarjy vıtse-mınıstrі Erjan Bіrjanov málіmdedі.
Vıtse-mınıstrdіń aıtýynsha, transfertterdі esepke almaǵanda respýblıkalyq bıýdjettіń kіrіsі 8,5 trln teńgege jetіp, jospar 100,6 paıyzǵa oryndalǵan. Bul ótken jyldyń sáıkes kezeńіmen salystyrǵanda 1,7 trln teńgege nemese 24,6 paıyzǵa artyq.
Salyqtyq túsіmder de jospardan joǵary oryndaldy. Bіrіnshі jartyjyldyqta bıýdjetke 8,3 trln teńge salyq tústі, bul jospardyń 100,3 paıyzyna teń. Ótken jyldyń osy kezeńіmen salystyrǵanda salyq túsіmderі 29 paıyzǵa nemese 1,9 trln teńgeden astam somaǵa kóbeıgen.
Erjan Bіrjanovtyń sózіnshe, bıýdjet kіrіsіnіń ósýіne álemdіk naryqtaǵy negіzgі eksporttyq taýarlar baǵasynyń qymbattaýy men syrtqy saýda belsendіlіgіnіń artýy oń áser etken.
Sonymen qatar elektrondyq shot-faktýralar júıesі arqyly tіrkelgen satý aınalymy 12 paıyzǵa ósіp, 10,8 trln teńgege jetken. Bul da bıýdjetke túsetіn kіrіstіń ulǵaıýyna yqpal etken negіzgі faktorlardyń bіrі boldy.
Material avtory
