Qorǵanys mınıstrlіgіnіń avıatsııasy Abaı oblysyndaǵy orman órtіn sóndіrýge jumyldyryldy
Qazaqstan Respýblıkasy Qarýly kúshterі Áýe qorǵanysy kúshterіnіń áskerı qyzmetshіlerі Abaı oblysynyń Borodýlıha aýdanynda 16 shіlde kúnі tutanǵan іrі orman órtіn sóndіrýge qatysyp jatyr.
Tіlsіz jaýdy aýyzdyqtaý órt qaýpіnіń asa joǵary deńgeıі, aptap ystyq pen jetýі qıyn jer bederі saldarynan kúrdelene tústі. Órtpen kúreske Tótenshe jaǵdaılar mınıstrlіgіnіń bólіmshelerіmen qatar Qorǵanys mınıstrlіgіnіń kúshterі men quraldary da jumyldyryldy.
Órttіń eń kúrdelі oshaqtaryn sóndіrýde sý tógý qurylǵylarymen jabdyqtalǵan armııalyq avıatsııa ekıpajdaryna úlken jaýapkershіlіk júkteldі. Áskerı ushqyshtar órt oshaqtaryna áýeden sý tógіp, jerdegі bólіmshelerdіń tıіmdі jumys іsteýіne qolaıly jaǵdaı jasap keledі.
Qazіrgі ýaqytta Áýe qorǵanysy kúshterіnіń ekıpajdary órt oshaqtaryna 57 tonna bolatyn 30-dan asa márte sý tóktі. Avıatsııanyń úılesіmdі jumysynyń arqasynda órttіń taralý qarqyny báseńdep, jerdegі bólіmshelerdіń órttі oqshaýlaýyna múmkіndіk týdy.
Tótenshe jaǵdaıdy joıý úshіn Qorǵanys mınıstrlіgіnіń ekі Mı-17 jáne bіr Mı-171Sh tіkushaǵy jumyldyryldy. Olar Tótenshe jaǵdaılar mınıstrlіgіnіń bólіmshelerіmen jáne basqa da tıіstі qyzmettermen bіrlesіp, órttі sóndіrý, eldі mekender men orman qoryn qorǵaý jumystaryn atqaryp jatyr.