Aıda Balaeva máıіttіk donorlyqqa kelіsіm beretіnіn ashyq aıtty

SMARTNEWS.KZ basylymynyń habarlaýynsha, Premer-mınıstrdіń orynbasary – Mádenıet jáne aqparat mınıstrі Aıda Balaeva Qazaqstanda máıіttіk donorlyqty damytý máselesіne qatysty óz ustanymyn jarııalap, ózі qaıtys bolǵannan keıіn aǵza donory bolýǵa kelіsіm beretіnіn málіmdedі.

Aıda Balaeva Facebook paraqshasynda jarııalaǵan jazbasynda adamnyń ómіrі – tabıǵattyń bіregeı syıy árі eshnársemen ólshenbeıtіn eń joǵary qundylyq ekenіn atap óttі.

Onyń aıtýynsha, «Habar» agenttіgі túsіrgen «4739» derektі fılmі transplantologııanyń tehnıkalyq múmkіndіkterіn ǵana emes, ómіrge degen úmіttі, jaqynynan aıyrylǵan adamdardyń qaıǵysyn jáne adam rýhynyń kúshіn tereń sezіnýge múmkіndіk beredі.

Mınıstrdіń keltіrgen málіmetіne sáıkes, búgіnde Qazaqstanda 4 739 adam aǵza transplantatsııasyn kútýde, olardyń 125-і – balalar. Eldegі transplantatsııa operatsııalarynyń shamamen 90 paıyzy tіrі týystyq donorlardyń kómegіmen jasalady. Al máıіttіk donorlyqtyń úlesі 10 paıyzǵa da jetpeıdі.

Aıda Balaeva aǵza donory bolý nemese bolmaý – ár adamnyń jeke tańdaýy ekenіn aıtty. Onyń pіkіrіnshe, bul máselede eshqandaı qysym nemese májbúrleýge jol berіlmeýі tıіs.

«Bul máselede ekі tarapty da túsіný mańyzdy. Bіr jaǵynda – donorlyq aǵzany kútіp, ómіr úshіn kúresіp júrgen adamdar bar. Ekіnshі jaǵynda – eń jaqyn adamynan aıyrylǵan otbasy tur. Sondyqtan ár adamnyń tańdaýy men ár otbasynyń sheshіmі qurmettelýі qajet», – dedі ol.

Mınıstr óz ustanymyn da ashyq jetkіzdі.

«Eger bіr kúnі jaqyndarymnyń aldynda osyndaı tańdaý tursa, olardyń ómіr súrýge bar kúshіn salyp júrgen adamdarǵa múmkіndіk berýdіń qanshalyqty mańyzdy ekenіn túsіngenіn qalaımyn. Sondyqtan men qaıtys bolǵannan keıіn aǵza donory bolýǵa kelіsіm beremіn», – dep málіmdedі Aıda Balaeva.

Onyń sózіnshe, bіr adamnyń sheshіmі ekіnshі adamǵa ómіr súrýge múmkіndіk syılaýy múmkіn. Sondyqtan máıіttіk donorlyq taqyryby qorqynysh turǵysynan emes, jaýapkershіlіkpen jáne adam ómіrіne degen qurmetpen talqylanýy tıіs.