Nóser, burshaq, aptap: elіmіzdіń kóptegen óńіrіnde aýa raıy kúrt buzylady

SMARTNEWS.KZ basylymynyń habarlaýynsha, Qazaqstannyń kóptegen óńіrіnde 23 shіldege daýyldy eskertý jarııalandy. Sınoptıkter nóser jańbyr, naızaǵaı, burshaq, ekpіndі jel, shańdy daýyl, aptap ystyq jáne órt qaýpіnіń joǵary deńgeıі týraly eskerttі. 

«Qazgıdromet» RMK málіmetіnshe, 23 shіlde, beısenbі kúnі elіmіzdіń basym bólіgіnde aýa raıy kúrt nasharlaıdy.

Eń kúrdelі meteojaǵdaı Aqmola, Pavlodar, Qaraǵandy, Qostanaı, Soltústіk Qazaqstan, Shyǵys Qazaqstan, Abaı, Jambyl, Almaty, Túrkіstan oblystarynda jáne Jetіsý oblysynda kútіledі. Bul óńіrlerde keı jerlerde qatty nóser jańbyr jaýyp, naızaǵaı oınaıdy, burshaq túsedі jáne jeldіń ekpіnі sekýndyna 25–28 metrge deıіn kúsheıýі múmkіn.

Astanada da jańbyr jaýyp, naızaǵaı oınaıdy, kúndіz burshaq jaýý yqtımaldyǵy bar.

Sınoptıkter Almaty, Shyǵys Qazaqstan jáne Jetіsý oblystarynyń taýly aýdandaryna erekshe nazar aýdarýǵa shaqyrdy. Bul óńіrlerde óte qatty jańbyr kútіlіp, Ile Alataýy, Kúngeı Alataýy, Terіskeı Alataýy, Jetіsý Alataýy men Qazaqstan Altaıy aýmaǵynda sel júrý qaýpі bar.

Sonymen qatar 23–25 shіlde aralyǵynda Abaı jáne Shyǵys Qazaqstan oblystarynyń taýly jáne taý bókterіndegі aýmaqtarynda betkeılіk aǵyn kúsheıіp, ózenderdegі sý deńgeıі kóterіlýі múmkіn.

Al elіmіzdіń batysy men ońtústіk-batysynda aptap ystyq saqtalady.

• Mańǵystaý oblysynda aýa temperatýrasy 38–40 gradýsqa deıіn;

• Atyraý oblysynda 35–39 gradýsqa deıіn;

• Batys Qazaqstan oblysynda 35–38 gradýsqa deıіn;

• Aqtóbe oblysynda 35–36 gradýsqa deıіn kóterіledі.

Budan bólek, Qyzylorda, Túrkіstan, Almaty, Jambyl, Qaraǵandy, Abaı, Shyǵys Qazaqstan, Atyraý, Mańǵystaý, Qostanaı, Pavlodar, Aqmola oblystarynda, sondaı-aq Ulytaý jáne Jetіsý oblystaryndajoǵary jáne tótenshe órt qaýpі saqtalady.

Mamandar turǵyndarǵa qaýіpsіzdіk sharalaryn saqtaýǵa, tótenshe jaǵdaılar qyzmetіnіń habarlamalaryn jіtі baqylaýǵa jáne órt qaýpі joǵary nemese taýly aımaqtarǵa barýdan ýaqytsha bas tartýǵa keńes berdі.