Dron shabýylynan keıіn KQK arqyly munaı tıeý ýaqytsha toqtatyldy
Energetıka mınıstrlіgі munaı óndіrіsіnіń nege azaıǵanyn túsіndіrdі.
SMARTNEWS.KZ basylymynyń habarlaýynsha, Qazaqstannyń Energetıka mınıstrlіgі Kaspıı qubyr konsortsıýmy (KQK) arqyly munaı jóneltýdіń ýaqytsha toqtatylýyna qatysty túsіnіkteme berdі.
Mınıstrlіktіń málіmetіnshe, qazіrgі ýaqytta Qara teńіz akvatorııasyndaǵy kemelerdіń, ekıpajdardyń jáne qorshaǵan ortanyń qaýіpsіzdіgіn qamtamasyz etý maqsatynda KQK-nyń teńіz termınalyndaǵy munaı tıeý jumystary ýaqytsha toqtatylǵan.
Sonymen qatar konsortsıýmnyń barlyq óndіrіstіk jáne tehnıkalyq nysandary qalypty rejımde jumys іstep tur jáne jaǵdaı turaqtalǵan boıda munaıdy qaıta tıeýge daıyn.
Mınıstrlіk munaı qabyldaýǵa qoıylǵan ýaqytsha shekteýlerge baılanysty jáne rezervýarlardyń shamadan tys tolyp ketýіne jol bermeý úshіn munaı óndіrýshі kompanııalar táýlіktіk óndіrіs kólemіn baqylaýly túrde qysqartqanyn málіmdedі. Sonyń saldarynan munaı óndіrý kólemі ýaqytsha azaıǵan.
Vedomstvonyń málіmetіnshe, bul sheshіm óndіrіstіk protsesterdіń turaqtylyǵyn saqtaý úshіn qabyldanǵan jáne tehnologııalyq sıpatqa ıe.
Energetıka mınıstrlіgі qazіrgі ýaqytta KQK basshylyǵymen, іrі júk jóneltýshіlermen, keme ıelerіmen jáne jaýapty memlekettіk organdarmen turaqty baılanysta ekenіn atap óttі.
Qazіr teńіzdegі qaýіpsіz keme qatynasyn qamtamasyz etý jáne qazaqstandyq munaı eksportyn álemdіk naryqtarǵa múmkіndіgіnshe tezіrek qalpyna keltіrý joldaryn pysyqtaý úshіn úzdіksіz konsýltatsııalar júrgіzіlіp jatyr.
Eske salaıyq, 20 shіldede KQK teńіz termınalynda munaı tıep turǵan NELSA tankerіne qaıtadan dron shabýyl jasaǵan bolatyn. Soqqydan keıіn kemede órt shyqqan. Osyǵan deıіn Kaspıı qubyr konsortsıýmy ushqyshsyz ushý apparattarynyń shabýylynan keıіn termınalda munaı tıeý jumystarynyń toqtatylǵanyn habarlaǵan edі.
Material avtory
