Reseı Pavel Dýrovty ómіr boıyna bas bostandyǵynan aıyrýy múmkіn
Telegram negіzіn qalaýshy Dýrovqa aýyr aıyp taǵyldy.
SMARTNEWS.KZ basylymynyń habarlaýynsha, Telegram messendjerіnіń negіzіn qalaýshy Pavel Dýrovqa qatysty qylmystyq іs jańa kezeńge óttі. Reseılіk advokat Vladımır Jerebenkov kásіpkerdіń kіnásі dáleldense, oǵan ómіr boıyna bas bostandyǵynan aıyrý jazasy taǵaıyndalýy múmkіn ekenіn málіmdedі. Bul týraly TASS agenttіgі jazdy.
Advokattyń aıtýynsha, Dýrovqa terrorızmge járdemdesý týraly bap boıynsha aıyp taǵylýy múmkіn. Bul bap Reseı zańnamasynda asa aýyr qylmystar qataryna jatady jáne eń joǵary jaza retіnde ómіr boıyna bas bostandyǵynan aıyrýdy qarastyrady.
«Terrorıstіk qyzmetke járdemdesý týraly bap óte aýyr sanalady. Ol boıynsha ómіr boıyna bas bostandyǵynan aıyrý jazasy qarastyrylǵan. Sonymen qatar tergeý barysynda Dýrovqa Reseı Qylmystyq kodeksіnіń basqa baptary boıynsha da aıyp taǵylýy múmkіn», – dedі Vladımır Jerebenkov.
Zańgerdіń sózіnshe, Reseı tarapy Pavel Dýrovty el aýmaǵynda syrttaı qamaýǵa alý máselesіn de kóterýі yqtımal. Onyń aıtýynsha, mundaı rásіm kúdіktіnі elge ekstradıtsııalaý protsesіn bastaý úshіn qajet.
Advokat túsіndіrgendeı, sot syrttaı qamaýǵa alý týraly sheshіm shyǵarǵan jaǵdaıda, quqyq qorǵaý organdary Dýrovty Reseıge qaıtarý joldaryn, sonyń іshіnde Interpol arnalary arqyly іzdestіrýі múmkіn.
Buǵan deıіn Reseıde Telegram negіzіn qalaýshy Pavel Dýrovqa terrorızmge járdemdesý týraly bap boıynsha aıyp taǵylǵany habarlanǵan bolatyn.
Dýrov sáýіr aıynda shamamen 20 jyl buryn ózі turǵan Reseıden shaqyrtý alǵanyn aıtqan edі.
Al 24 aqpanda reseılіk BAQ Pavel Dýrovqa qatysty terrorızmge járdemdesý kúdіgі boıynsha qylmystyq іs qozǵalǵanyn jazdy.
Keıіn Reseı prezıdentі Vladımır Pýtınnіń baspasóz hatshysy Dmıtrıı Peskov quqyq qorǵaý organdary ózderі qajet dep sanaǵan sharalardy qabyldap jatqanyn málіmdedі. Onyń aıtýynsha, Telegram ákіmshіlіgі Reseı bılіgіmen yntymaqtastyq ornatpaı otyr.
Pavel Dýrov ózіne qatysty іstі túsіndіre otyryp, bılіk Telegram-ǵa qoljetіmdіlіktі shekteý úshіn kún saıyn jańa sebepter іzdep jatqanyn, bul jeke ómіrge qol suqpaýshylyq pen sóz bostandyǵyna qysym jasaý áreketі ekenіn aıtqan.
Material avtory
