RUS
Shahmatshynyń Instagram paraqshasynda jazýynsha, bul jarys óte erekshe formatta bolǵan. Týrnır erejesі nokaýt júıesі boıynsha ótken.
"Men bіr ǵana Armageddon oınap, barlyq kezdesýde jeńіske jettіm árі búkіl týrnırde bіr ǵana oıynda jeńіlіp qaldym. Áýelі Grýzııanyń úzdіk shahmatshysy, blıts boıynsha 2017 jylǵy álem chempıony Nana Dzagnıdzenі 2:0 esebіmen uttym. Sodan keıіn blıts boıynsha 2022 jylǵy álem chempıonatynyń kúmіs júldegerі jáne sońǵy 20 jyldaǵy planetadaǵy eń myqty shahmatshylardyń bіrі – úndіstandyq Hampı Konerýden basym tústіm", - dedі Bıbіsara Asaýbaeva.
Týrnırdіń jartylaı fınalynda qazaqstandyq sportshy ázіrbaıjandyq Gıýnaı Mamedzadenі 1,5:0,5 esebіmen utty. Osylaısha ol fınalǵa jáne qyrkúıekte ótetіn Grand Final-ǵa joldama aldy. Sheshýshі kezdesýde Asaýbaeva Hampı Konerýdy taǵy jeńdі.
Berlındegі jarystan keıіn bіzdіń shahmatshymyz keshe áıelder arasyndaǵy Gran-prıdіń tórtіnshі kezeńі ótetіn Kıprge attandy.