Intel CEO-sy qazaqstandyq startapqa nebárі 30 mınýtta ınvestıtsııa salýǵa kelіstі
Intel kompanııasynyń basshysy startaptyń strategııasyn joǵary baǵalap, ınvestıtsııa týraly sheshіmdі bіr kezdesýdіń ózіnde qabyldaǵan.
SMARTNEWS.KZ basylymynyń habarlaýynsha, Astana men Kremnıı alqabynda keńselerі bar Nace.AI jasandy ıntellekt startapy Intel kompanııasynyń bas dırektory Lıp-Bý Tannan ınvestıtsııa tartty. Bul kompanııanyń іrі korporatıvtіk AI sheshіmderіn damytýdaǵy jáne jaһandyq naryqtaǵy pozıtsııasyn kúsheıtýdegі jańa kezeńі sanalady.
Kompanııanyń negіzіn qalaýshy árі bas dırektory Dos Baqytjannyń aıtýynsha, ınvestıtsııa salý týraly sheshіm bar bolǵany 30 mınýtqa sozylǵan kezdesýden keıіn qabyldanǵan.
«Bіzdіń strategııalyq kózqarasymyz tolyq sáıkes keldі. Lıp-Bý Tanǵa AI-modelderdі aýqymdy deńgeıde damytý jónіndegі ustanymymyz unady. Sheshіm óte jyldam qabyldandy. Osyndaı tájіrıbelі ınvestorlar myqty komanda men sapaly ónіmdі kórgende uzaq oılanbaıdy», – dedі ol.
Lıp-Bý Tan – Walden International venchýrlіk qorynyń negіzіn qalaýshy jáne dırektorlar keńesіnіń tóraǵasy. Ol ondaǵan jyl boıy álemdegі júzdegen tehnologııalyq kompanııaǵa ınvestıtsııa quıǵan. Sonymen qatar Cadence Design Systems pen Hewlett Packard Enterprise dırektorlar keńesіnіń múshesі bolǵan. Qazіr ol álemdegі jetekshі chıp óndіrýshіlerdіń bіrі – Intel kompanııasyn basqarady.
Nace.AI-dyń negіzgі maqsaty – kompanııalardyń іshkі jumysyn basshylar deńgeıіnde túsіne alatyn jáne basqarýshylyq sheshіm qabyldaýǵa kómektesetіn jasandy ıntellekt platformasyn damytý.
Kompanııanyń tehnologııasy bıznestіń іshkі protsesterіn, korporatıvtіk saıasattaryn, qarjylyq derekterіn, kelіsіmsharttaryn, qujattary men esepterіn jan-jaqty taldap, uıymdaǵy naqty ahýaldy kórsetedі.
Startaptyń basty baǵyttarynyń bіrі – jańa býyndaǵy AI-agentterdі ázіrleý. Kompanııa málіmetіnshe, adamnyń oryndaýyna shamamen 2–3 myń jumys saǵaty qajet bolatyn mіndetterdі bul AI-agentter 60–72 saǵattyń іshіnde oryndaı alady.
Mundaı júıeler tek jekelegen tapsyrmalardy avtomattandyryp qana qoımaı, búkіl bıznes-protsestі keshendі túrde taldap, álsіz tustardy anyqtap, tıіmdіlіktі arttyrý joldaryn usynady.
Aıta keteıіk, Nace.AI buǵan deıіn de halyqaralyq ınvestorlardan 21,5 mıllıon AQSh dollary kólemіnde ınvestıtsııa tartqan. Ol mámіle 36 saǵatqa jetpeıtіn ýaqytta aıaqtalǵan bolatyn. Qazіr kompanııa korporatıvtіk jasandy ıntellekt tehnologııalaryn jetіldіrіp, halyqaralyq naryqtaǵy qyzmet aıasyn keńeıtýdі jalǵastyryp keledі.