RUS
Baspasóz qyzmetіnіń málіmetterіne qaraǵanda, 40-shy Balqan matematıkalyq olımpıadasy Túrkııanyń Antalııa qalasynda ótіp, Balqan túbegіnіń 22 elіnen jáne qonaq memleketterden 130-dan astam oqýshy qatysqan.
Olımpıada qorytyndysy boıynsha Qazaqstan atynan barǵan 6 oqýshy da medalǵa ıe boldy.
Olar:
Baıshýaq Raıymbek – Almaty qalasyndaǵy Respýblıkalyq fızıka-matematıka mektebіnіń 11 synyp oqýshysy;
IÝrkevıch Mıron - Almaty qalasynyń Respýblıkalyq fızıka-matematıka mektebіnіń 10 synyp oqýshysy;
Jan Dáýіtov – Qostanaı oblysy «Bіlіm-ınnovatsııa» mektep-lıtseıіnіń 10 synyp oqýshysy;
Marǵulan Sharel – Jambyl oblystyq daryndy er balalarǵa arnalǵan mamandandyrylǵan «Bіlіm-Innovatsııa» lıtseıіnіń 10 synyp oqýshysy;
Naǵashybek Mýhammed – Astana qalasy «NURORDA» mektep-lıtseıіnіń 11 synyp oqýshysy;
Vladımır Rogovskıı – Pavlodar qalasynyń daryndy balalarǵa arnalǵan № 8 mektep-lıtseıіnіń 10 synyp oqýshysy.
Aıta keteıіk, 40-shy Balqan matematıkalyq olımpıadasynyń maqsaty – matematıka pánіnen daryndy oqýshylardy yntalandyrý jáne damytý, qatysýshy elder arasynda mektep baǵdarlamalary men tájіrıbelerі týraly aqparat almasý úshіn múmkіndіkter jasaý. Sondaı-aq Halyqaralyq matematıka olımpıadasyna (IMO) daıyndalý jáne tájіrıbe jınaqtaý.