Vetnamda ustalǵan bloger Qaısar Qamza Qazaqstanǵa jetkіzіldі

SMARTNEWS.KZ basylymynyń habarlaýynsha, bloger Qaısar Qamza Vetnamnan Qazaqstanǵa ekstradıtsııalandy. Ol zańsyz oıyn bıznesіn uıymdastyrýǵa kómektestі degen kúdіkke іlіnіp otyr. Bul týraly Bas prokýratýra málіmdedі.

Bas prokýratýra Qazaqstan azamatynyń Vetnamnan jetkіzіlgenі týraly resmı málіmdeme jasap, beınejazba jarııalady. Kadrlarda Instagram jelіsіnde mıllıondaǵan oqyrmany bar bloger Qaısar Qamzany kórýge bolady.

Tergeý boljamynsha, bloger 2025 jyldyń qańtar aıynan bastap áleýmettіk jelіler men messendjerlerdegі úlken aýdıtorııasyn paıdalanyp, aqyly negіzde zańsyz ınternet-kazıno jarnamasyn ornalastyrǵan jáne azamattardy qumar oıyndarǵa tartqan.

Vedomstvo málіmetіnshe, ınternet-kazınony jarnamalaǵany úshіn onyń krıptovalıýta ámııanyna shamamen 200 myń AQSh dollary túsken.

«Qylmystyq top múshelerі 2021 jyldan 2025 jylǵa deıіn Qazaqstan aýmaǵynda bіrneshe zańsyz onlaın-kazınonyń jumysyn uıymdastyryp, tólem termınaldary arqyly 106 mıllıard teńgeden astam qarajat tapqan», – dedі Bas prokýratýra.

Sondaı-aq qylmystyq іs boıynsha taǵy toǵyz adamnyń qamaýǵa alynǵany, al ózge kúdіktіlerge іzdeý jarııalanǵany habarlandy.

Qazіr Qaısar Qamza ýaqytsha ustaý ızolıatoryna qamaldy. Eger sot kіnásіn dáleldese, oǵan múlkіn tárkіleýmen bіrge jetі jylǵa deıіn bas bostandyǵynan aıyrý jazasy taǵaıyndalýy múmkіn.

Buǵan deıіn Quqyqtyq statıstıka jáne arnaıy esepke alý organdarynyń portalynda blogerge іzdeý jarııalanǵany týraly aqparat shyqqan edі. Istі Qarjylyq monıtorıng agenttіgі bastap, іzdeý jumystaryn QMA Astana qalasy boıynsha Ekonomıkalyq tergeý departamentі júrgіzgen.

Keıіn Qaısar Qamza ózіne іzdeý jarııalanǵany týraly aqparatqa qatysty pіkіr bіldіrgen. Artynsha Qarjylyq monıtorıng agenttіgі blogerdіń zańsyz oıyn bıznesіne qatysy bolýy múmkіn ekenіn resmı túrde málіmdedі.

QMA málіmetіnshe, kúdіktі bіrneshe jyl boıy Instagram jelіsіnde «qais_arr» atymen blog júrgіzіp, 2,4 mıllıonǵa jýyq oqyrman jınaǵan. Sonymen qatar ol Telegram jelіsіndegі «Qora enterteınment» jabyq arnasynyń ákіmshіsі bolǵan, onda 368 myńnan astam jazylýshy bolǵan.

Qaısar Qamzanyń Vetnamda ustalǵany 13 sáýіrde belgіlі bolǵan. Mamyr aıynda bloger uzaq ýaqyttan keıіn alǵash ret oqyrmandaryna shyǵyp, Vetnamdaǵy ustalýyna qatysty pіkіr aıtqan edі.