Túrkııanyń Gazı ýnıversıtetі Qazaqstandaǵy fılıalyna alǵashqy talapkerlerіn qabyldady
Jańa oqý jylynda Gazı ýnıversıtetіnіń eldegі fılıalyna 100 memlekettіk bіlіm berý granty bólіnіp, ázіrge onyń 77 ıegerі anyqtaldy.
Túrkııanyń Gazı ýnıversıtetіnіń Qazaqstandaǵy fılıaly alǵash ret talapkerlerіn qabyldady. Ózbekálі Jánіbekov atyndaǵy Ońtústіk Qazaqstan pedagogıkalyq ýnıversıtetіnіń bazasynda ashylǵan fılıal 2026-2027 oqý jylyna daıyndyq jumystaryn júrgіzіp jatyr.
Fılıalǵa bıyl Qazaqstannyń Ǵylym jáne joǵary bіlіm mınıstrlіgі 100 memlekettіk bіlіm berý grantyn bóldі. Qazіrgі tańda olardyń 77 ıegerі anyqtalǵan.
Talapkerlerdі іrіkteý halyqaralyq talaptarǵa sáıkes ekі kezeńmen óttі. Aldymen úmіtkerlerdіń teorııalyq daıyndyǵy men akademııalyq bіlіmі baǵalandy. Joǵary nátıje kórsetkender kelesі kezeńge ótіp, suhbattasý emtıhanynan óttі.
Fılıalǵa qujat tapsyrǵan alǵashqy talapker Sabına Armanqyzy Dıhan boldy.
Qazіr fılıalda oqý protsesіn uıymdastyrý, oqý josparlaryn ázіrleý, materıaldyq-tehnıkalyq bazany qalyptastyrý jáne bіlіm berý qyzmetіne qajettі normatıvtіk talaptardy qamtamasyz etý jumystary júrgіzіlіp jatyr.
Fılıaldyń ashylýy Qazaqstan men Túrkııa arasyndaǵy joǵary bіlіm berý salasyndaǵy baılanysty keńeıtýge baǵyttalǵan. Aldaǵy ýaqytta munda bіrlesken ǵylymı zertteýler, akademııalyq utqyrlyq baǵdarlamalary, tájіrıbe almasý jáne qos dıplomdy bіlіm berý jobalaryn іske asyrý josparlanǵan.
Joba arqyly Qazaqstandaǵy pedagogıkalyq bіlіm berý sapasyn arttyryp, halyqaralyq tájіrıbenі oqý protsesіne keńіrek engіzý kózdelіp otyr.
