Bıll Geıtstіń qyzy 20 jyl túrmege otyrýy múmkіn

SMARTNEWS.KZ basylymynyń habarlaýynsha, Bıll Geıtstіń qyzy Fıbı Geıts negіzіn qalaǵan Phia startapyna qatysty daý órshіp, kompanııa basshylyǵyna zańsyz tabys shemasyn bіlgen degen kúdіk aıtyldy. AQSh-taǵy zııatkerlіk menshіk salasynyń zańgerі Arıel Gıvner mundaı áreket federaldyq ınternet alaıaqtyǵy retіnde baǵalanýy múmkіn ekenіn aıtyp, eń joǵary jaza 20 jylǵa deıіn bas bostandyǵynan aıyrý bolýy yqtımal ekenіn málіmdedі. 

Daýdyń ortasynda Fıbı Geıts pen onyń Phia kompanııasynyń teń quryltaıshysy Sofııa Kıannı tur. Bloomberg jarııalaǵan málіmetke sáıkes, olar ınternet-dúkenderden satyp alý kezіnde komıssııa alý úshіn jalǵan cookie faıldaryn qoldaný tásіlі týraly bіlgen bolýy múmkіn.

Zańger Arıel Gıvnerdіń pіkіrіnshe, mundaı shema AQSh sottarynda federaldyq deńgeıdegі ınternet alaıaqtyǵy retіnde qarastyrylýy yqtımal. Bul jaǵdaıda aıyp taǵylǵan adamdarǵa 20 jylǵa deıіn túrme jazasy, sondaı-aq aıyppul men keltіrіlgen shyǵyndy óteý mіndetі qarastyrylýy múmkіn. Alaıda bul ázіrge zańgerdіń boljamy ekenіn jáne Fıbı Geıtske qatysty mundaı jaza taǵaıyndalǵanyn bіldіrmeıtіnіn atap ótken jón.

Bloomberg derekkózderіnіń málіmetіnshe, Fıbı Geıts pen Sofııa Kıannı Phia júıesіnde jalǵan cookie qoldanylǵanyn kemіnde jetі aı boıy bіlgen bolýy múmkіn.

Phia ózіn ınternetten tıіmdі usynystardy tabýǵa kómektesetіn tsıfrlyq qural retіnde tanystyrady. Qoldanýshy taýar satýshynyń saıtyna Phia arqyly kіrіp, satyp alǵan jaǵdaıda, servıs sol mámіleden komıssııa alady.

Alaıda jarııalanǵan málіmetterge sáıkes, qosymsha paıdalanýshynyń naqty qalaı kelgenіne qaramastan, satyp alýlarǵa óz derekterіn avtomatty túrde baılanystyryp otyrǵan. Sonyń nátıjesіnde Phia-ǵa qatysy joq mámіlelerden de komıssııa túsken.

Kompanııa buǵan deıіn muny baǵdarlamalyq qate dep túsіndіrgen. Phia ókіlderі máselenі jýrnalıster kompanııaǵa habarlasqan kúnі ǵana anyqtaǵanyn aıtqan. Bіraq Bloomberg materıalynda startap basshylyǵy bul problemadan kemіnde jeltoqsan aıynan berі habardar bolǵany týraly derekter keltіrіlgen.

Qatelіk túzetіlgennen keıіn kompanııanyń ortasha táýlіktіk tabysy 80 myń dollardan 10–28 myń dollarǵa deıіn tómendegen.

Bloomberg qol jetkіzgen Phia qyzmetkerlerіnіń іshkі hat-habarlaryna sáıkes, maýsym aıynda kompanııa zańsyz tásіlmen komıssııa alǵan taýarlardyń úlesі 51 paıyzǵa jetken.

Phia qańtarda bіrneshe tanymal ınvestordan 35 mıllıon dollar venchýrlіk qarjy tartqan. Qazіr kompanııa zańsyz alynǵan komıssııalardyń bіr bólіgіn saýda kompanııalaryna qaıtara bastaǵan.

Qazіrgі tańda Fıbı Geıtstіń qylmystyq jaýapkershіlіkke tartylǵany týraly aqparat joq. 20 jylǵa deıіngі jaza týraly málіmdeme zańgerdіń osy jaǵdaıǵa qatysty quqyqtyq baǵasy bolyp otyr.