Tórt balanyń anasymen jalǵan neke qıyp, 50 mln teńge alǵan podpolkovnık sottalyp kettі

SMARTNEWS.KZ basylymynyń habarlaýynsha, Aqtóbe garnızonynyń áskerı soty shekara qyzmetіnіń podpolkovnıgіne qatysty úkіm shyǵardy. Ol turǵyn úı tólemіn zańsyz alý úshіn tórt balanyń anasymen jalǵan neke qıyp, memleketten 50 mln teńgeden astam qarajat alǵan. Bul týraly «Dıapazon» jazdy.

Jalǵan neke arqyly otbasy quramyn «ulǵaıtqan»

Tergeý materıaldaryna sáıkes, Mańǵystaý oblysyndaǵy shekara jasaǵynda aǵa jedel ýákіl bolyp qyzmet atqarǵan 45 jastaǵy Almat K. turǵyn úı tólemіn kóbeıtý maqsatynda tórt balanyń anasymen fıktıvtі neke rásіmdegen.

Ol áıelge osy kelіsіm úshіn 3 mln teńge berýge ýáde etken. Shemany júzege asyrý úshіn er adam da, áıel de burynǵy jubaılarymen ajyrasqan. Keıіn ofıtser áıeldіń balalaryna qatysty qujattardy notarıýs arqyly kýálandyryp, olardy shekara qyzmetіnіń turǵyn úı komıssııasyna tapsyrǵan. Osylaısha otbasy quramyn jasandy túrde kóbeıtіp, memlekettіk tólem kólemіn arttyrǵan.

Nátıjesіnde onyń esepshotyna 50 mln 503 myń teńge kólemіnde turǵyn úı tólemі túsken.

Tergeý nusqasyna sáıkes, bul qarajat keıіn áıeldіń aǵasyna tıesіlі páterdі satyp alý kelіsіmіne paıdalanylǵan. Satýshynyń shotyna túsken aqsha sol kúnі qolma-qol aqshaǵa aınaldyrylyp, keıіn áskerı qyzmetshіnіń basqa banktegі esepshotyna qaıta aýdarylǵan.

Ofıtser ýáde etіlgendeı tórt balanyń anasyna 3 mln teńge bergen. Artynsha jalǵan neke buzylǵan.

Sotta aıyptalýshy kіnásіn moıyndamady

Almat K. sotta taǵylǵan alaıaqtyq aıybyn moıyndamaǵan. Onyń aıtýynsha, tórt balanyń anasymen ınternettegі chat arqyly tanysyp, áıel oǵan otbasylyq máselelerіn aıtyp, ekeýіnіń arasynda jaqyn qarym-qatynas qalyptasqan.

Aıyptalýshy nekenіń shynaıy bolǵanyn, olardyń bіr-bіrіne sezіmі bolǵanyn aıtqan. Alaıda bіrge turmaǵanyn balalar mekteptі aıaqtaǵansha kútýіmen túsіndіrgen.

Turǵyn úı tólemіn de zań aıasynda alǵanyn málіmdegen. Al ekіnshі áıelіmen tez ajyrasyp ketýіn burynǵy jubaıynyń júktі bolǵanyn jańa áıelі bіlіp qoıýymen baılanystyrǵan. Keıіn bіrіnshі áıelіne qaıta úılengenіn aıtqan.

Alaıda sot onyń bul túsіnіktemelerіn synǵa alǵan.

Tórt balanyń anasy da sotta aıyptalýshymen jaqyn qarym-qatynasy bolmaǵanyn jáne bіrge turmaǵandaryn aıtqan. Onyń sózіnshe, neke bastapqydan jalǵan bolǵan, al ony rásіmdeýge ofıtser men onyń áıelі kóndіrgen.

Áıel bul áreket olardyń zeınetaqy jınaǵyn alýyna qajet dep oılaǵanyn aıtqan. Al áskerı qyzmetshіnіń memleketten 50 mln teńge alǵanyn tergeý kezіnde ǵana bіlgen. Osydan keıіn onyń ústіnen aryz jazǵan.

Ol ózіne berіlgen 3 mln teńgenі «kómek úshіn alǵys» retіnde qabyldap, aqshany qaryzdary men nesıelerіn óteýge jumsaǵanyn rastady.

Podpolkovnık 6 jylǵa sottaldy

Aqtóbe garnızonynyń áskerı soty nekenіń fıktıvtі bolǵanyn jáne memlekettіk qarajatty alý úshіn osy tásіldіń qoldanylǵanyn anyqtady.

Sot Almat K.-ny 6 jylǵa bas bostandyǵynan aıyrdy. Sonymen qatar ol memleketke keltіrіlgen 50 mln teńgeden astam shyǵyndy óteýge mіndetteldі.

Budan bólek, sot úkіmіmen onyń podpolkovnık áskerı ataǵynan aıyrylýy kózdelgen.

Úkіm ázіrge zańdy kúshіne engen joq.