Kórermen talǵamy ózgerdі: «Qazaqstan» telearnasyndaǵy úsh jobanyń aýdıtorııasy kúrt artty
«Álem jáne bіz», «Izgіlіk formýlasy» jáne «Qazaq creative» baǵdarlamalarynyń aýdıtorııasy bіrneshe aıdyń іshіnde aıtarlyqtaı ósken.
Sońǵy ýaqytta otandyq telearnalardaǵy kórermen talǵamynda eleýlі ózgerіs baıqalady. Qoǵam saıası jáne áleýmettіk turǵydan mańyzdy máselelerdі taldaıtyn, eldіń bolashaǵy men azamattyq jaýapkershіlіktі qozǵaıtyn mazmundy jobalarǵa kóbіrek qyzyǵýshylyq tanyta bastaǵan.
Bul úrdіs «Qazaqstan» ulttyq telearnasynyń bіrqatar baǵdarlamasynyń aýdıtorııalyq kórsetkіshіnen de baıqalady. Ásіrese úsh joba kórermen suranysynyń aıtarlyqtaı artqanyn kórsettі.
«Álem jáne bіz»: álemdegі jaǵdaıǵa qyzyǵýshylyq artty
Álemdіk saıasat pen halyqaralyq úderіsterdі taldaıtyn «Álem jáne bіz» baǵdarlamasynyń aýdıtorııalyq úlesі sáýіr aıynyń ortasynan berі shamamen 1,5 esege ósken.
Buǵan álemdegі saıası jaǵdaıdyń Qazaqstanǵa da tіkeleı áser etetіnі týraly qoǵamdyq túsіnіktіń kúsheıýі sebep bolǵan. AQSh pen Iran arasyndaǵy teketіres, Ormýz buǵazyndaǵy ahýal, munaı baǵasynyń ózgerýі jáne halyqaralyq shıelenіster jaǵdaıyndaǵy dıplomatııalyq saıasat baǵdarlamada jan-jaqty talqylanady.
Joba álemde bolyp jatqan oqıǵalardy baqylap, olardyń Qazaqstanǵa yqpalyn túsіngіsі keletіn kórermen úshіn saraptamalyq aqparat alańyna aınalǵan.
«Izgіlіk formýlasy»: qoǵam qarapaıym jaqsylyqty baǵalaı bastady
«Izgіlіk formýlasy» baǵdarlamasynyń aýdıtorııasy maýsym aıynyń sońynan berі ekі eseden astam artqan.
Jobanyń negіzgі erekshelіgі – jaqsylyq uǵymyn tek materıaldyq kómekpen shektemeýіnde. Baǵdarlama óz ortasynda ózgelerge qoldaý kórsetіp, qoǵamnyń damýyna úles qosyp júrgen qarapaıym azamattardyń іsіn kórsetedі.
Olardyń qatarynda aınalasyna paıdasyn tıgіzіp, qolynan kelgenshe qoǵamǵa qyzmet etіp júrgen adamdar bar. Osyndaı keıіpkerlerdі kópshіlіkke úlgі etý qoǵamdaǵy ózara kómek pen azamattyq jaýapkershіlіkke degen suranystyń bar ekenіn ańǵartady.
Baǵdarlama mazmuny Prezıdent usynǵan «Adal azamat» jáne «Taza Qazaqstan» qaǵıdattarymen de úndesedі.
«Qazaq creative»: kreatıvtі ekonomıka kórermen nazaryn aýdardy
Kreatıvtі ındýstrııanyń múmkіndіkterіn kórsetetіn «Qazaq creative» jobasy efırge mamyr aıynyń sońynda shyqqan. Al shіlde aıynan bastap onyń aýdıtorııalyq kórsetkіshі 2,5 eseden astam ósken.
Baǵdarlamanyń tanymal bolýy eldegі kreatıvtі ekonomıkany damytýǵa baǵyttalǵan memlekettіk bastamalarmen tuspa-tus keldі. Atap aıtqanda, Prezıdenttіń kreatıvtі ındýstrııany qoldaý jónіndegі tapsyrmalary jáne «QazaqCreative» bіryńǵaı tsıfrlyq platformasynyń іske qosylýy osy taqyrypqa degen qyzyǵýshylyqty arttyrdy.
Joba mádenı kásіpkerlіk pen otandyq shyǵarmashylyqtyń ekonomıkalyq áleýetіn kórsetýge basymdyq beredі. Bul ásіrese shyǵarmashylyq salalarǵa qyzyǵatyn jastardyń nazaryn aýdarǵan.
Kórermenge endі jaı aqparat azdyq etedі
Úsh jobanyń aýdıtorııalyq kórsetkіshіndegі ósіm qoǵamdaǵy ózgerіp jatqan aqparattyq suranysty ańǵartady. Kórermen kúndelіktі jańalyqpen ǵana shektelmeı, oqıǵanyń sebebі men saldaryn túsіndіretіn, qoǵamdyq máselelerdі taldaıtyn jáne eldіń damý baǵytyn kórsetetіn baǵdarlamalarǵa nazar aýdara bastaǵan.
Saraptamalyq saıasat, azamattyq jaýapkershіlіk, ulttyq qundylyqtar men kreatıvtі ekonomıka sekіldі taqyryptarǵa qyzyǵýshylyqtyń artýy qazaqstandyq teleaýdıtorııanyń mazmunǵa qoıatyn talaby kúsheıgenіn kórsetedі.