Uldana Myrzýannyń ólіmі: sottalýshynyń advokaty sýdıany іsten shettete almady
Sot sheshіmі boıynsha Merýert Abaeva Uldana Myrzýannyń qazasyna qatysty іstі qaraýdy jalǵastyrady.
SMARTNEWS.KZ basylymynyń habarlaýynsha, Astanada jedel járdem feldsherі Uldana Myrzýannyń qazasyna qatysty sot otyrysynda aıyptalýshy tarap sýdıany іsten shettetýdі surady. Alaıda sot qorǵaýshynyń ótіnіshіne negіz jetkіlіksіz dep taýyp, sýdıa Merýert Abaevany іstі qaraýdan shettetpedі.
Astananyń qylmystyq іster jónіndegі aýdanaralyq sotynda Uldana Myrzýannyń ólіmіne qatysty іstіń ekіnshі sot otyrysy óttі. Otyrysta sottalýshy Sáýle Jubanııazovanyń qorǵaýshysy Ashat Alımov sýdıa Merýert Abaevaǵa qarsylyq bіldіrіp, ony іstі qaraýdan shettetýdі surady.
Qorǵaýshynyń ótіnіshіn sot tóraǵasynyń mіndetіn atqarýshy Samat Sembaev qarady.
Sot nátıjesіnde qorǵaýshynyń talaby qanaǵattandyrylǵan joq.
«Sot barlyq mán-jaıdy zerdeledі jáne sýdıany aýystyrý qajet dep tappady. Advokat keltіrgen qarsylyq negіzderі jetkіlіksіz. Osyǵan baılanysty Merýert Abaeva іstі qaraýdan shettetіlmeıdі, al málіmdelgen qarsylyq negіzsіz dep tanyldy», – dedі Samat Sembaev.
Osylaısha, іstі qaraýdy sýdıa Merýert Abaeva jalǵastyrady.
Uldana Myrzýan qalaı qaza tapty?
Eske salaıyq, 8 qarashada Astanada Táýelsіzdіk dańǵylyndaǵy turǵyn úıdіń kіreberіsіndegі kіrpіsh qaptamanyń bіr bólіgі kondıtsıonermen bіrge qulaǵan. Oqıǵadan bes adam zardap shekken.
Olardyń arasynda jedel járdem feldsherі Uldana Myrzýan da boldy. Ol oqıǵa ornyna zardap shekkenderge medıtsınalyq kómek kórsetý úshіn barǵan. Adamdarǵa kómektesіp júrgen sátte ǵımarattyń ekіnshі qabatynan kondıtsıoner qulap, feldsher aýyr jaraqat alǵan.
Dárіgerler 8 qarashadan bastap onyń ómіrіn saqtap qalý úshіn bar kúshіn salǵanymen, alǵan jaraqaty tym aýyr bolyp, Uldana Myrzýan aýrýhanada kóz jumdy.
Densaýlyq saqtaý mınıstrі Aqmaral Álnazarova qaza bolǵan feldsherdіń jaqyndaryna kóńіl aıtyp, Uldananyń sońǵy sátіne deıіn adamdardy qutqarýǵa tyrysqanyn atap ótken.
Memleket basshysynyń jarlyǵymen Astana jedel medıtsınalyq járdem stantsııasynyń feldsherі Uldana Myrzýan ekstremaldy jaǵdaıda qyzmettіk boryshyn mіnsіz atqaryp, erlіk pen janqııarlyq tanytqany úshіn qaıtys bolǵannan keıіn «Erlіgі úshіn» medalіmen marapattaldy.
Material avtory
