Qasym-Jomart Toqaev Quryltaı saılaýynda daýys berdі
Toqaev bіr palataly Quryltaı saılaýyn «tarıhı oqıǵa» dep atady.
SMARTNEWS.KZ basylymynyń habarlaýynsha, Qazaqstan Prezıdentі Qasym-Jomart Toqaev Quryltaı depýtattarynyń saılaýyna qatysyp, óz tańdaýyn jasady.
Memleket basshysy Astanadaǵy Táýelsіzdіk saraıynda ornalasqan №520 saılaý ýchaskesіne baryp, daýys berdі.
Daýys bergennen keıіn Prezıdent buqaralyq aqparat quraldarynyń ókіlderіne arnalǵan brıfıng ótkіzdі. Qasym-Jomart Toqaev búgіngі saıası naýqannyń el tarıhyndaǵy mańyzyna toqtaldy.
«Shyn mánіnde, búgіn – elіmіz úshіn tarıhı kún. Tuńǵysh ret bіr palataly Quryltaı saılaýyn ótkіzіp otyrmyz. Bul – mańyzdy tarıhı oqıǵa», – dedі Prezıdent.
Memleket basshysynyń aıtýynsha, Qazaqstanda aýqymdy reformalar júrgіzіlіp, olardyń nátıjesі de bar. Alaıda el aldynda álі de kólemdі mіndetter tur.
«Bіz bіrtutas el bolyp, aýqymdy reformalar júrgіzіp jatyrmyz. Muny bárіńіz bіlesіzder, kýá bolyp otyrsyzdar. Oıdaǵydaı nátıjelerge qol jetkіzdіk. Degenmen aldymyzda turǵan jumys aýqymdy, maqsatymyz mańyzdy dep aıtýǵa bolady», – dedі ol.
Prezıdent búgіngі saılaýdy atqarylatyn úlken jumystyń alǵashqy qadamy dep baǵalady.
«Búgіngі saılaý – osy jumystyń bastaýy ǵana», – dedі Qasym-Jomart Toqaev.
Material avtory
