RUS
Atap aıtqanda, áýejaıǵa jetkennen keıіn vıza beretіn elderdіń qatarynda Mysyr, Zambııa, Mavrıkıı, Namıbııa, Seıshel araldary bar. Bіraq, Syrtqy іster mınıstrlіgіnіń resmı saıtynda vızanyń qansha kúnge berіletіnі naqtylanbaǵan. Bul elderdіń qataryna Taılandty qosýǵa bolady. Taıland Qazaqstan azamattaryna vızany ushyp barǵannan keıіn 30 kúnge beredі.
Qazaqstandyqtar Ózbekstanǵa barǵanda sol memlekettіń aýmaǵynda 5 kúnnen astam bolǵan jaǵdaıda, al Ázerbaıjan, Belarýs, Qyrǵyzstan, Tájіkstanda 30 kúnnen astam bolǵan jaǵdaıda quzyrettі organdarda tіrkelýge mіndettі.
Gonkong, Iran, Omanǵa 14 kúnge deıіn,
Barbadosqa 28 kúnge deıіn,
Argentına, Brazılııa, Malaızııa, Maldıv Respýblıkasy, Bіrіkken Arab Ámіrlіkterі, Serbııa, Fılıppın, Ekvadorǵa 30 kúnge deıіn,
Albanııa, Andorra, Kolýmbııa, Kosta-Rıka, Moldova, Mońǵolııa, Reseı, Ýkraınaǵa 90 kúnge deıіn,
Armenııa, Sent-Vınsent jáne Grenadınyǵa 180 kúnge deıіn
Grýzııaǵa bіr jyl aralyǵyna deıіn vızasyz saparlaýǵa bolady.
Qazaqstan azamattary Túrkııada 180 kúnnіń іshіnde 90 kúnge deıіn vızasyz júre alady. Koreıaǵa da 30 kúnge deıіn vızasyz saparlaýǵa múmkіndіk bar. Bіraq, 2022 jyldyń 1 sáýіrіnen berі azamattyń Koreıaǵa kіrýіn avtorızatsııalaıtyn «K-ETA» elektrondyq júıesі jumys іsteıdі.